Shillong, Risaw 27: Ka ophis Additional Director of Health Services, Civil Hospital, Shillong ka la pyntip ba u don uwei u nongpang ba la 70 snem ka rta ba la wanrah da ka 108 ba la lap ba u la thiah lyngktar hajan Ajmera bad ba la wanrah sumar hapoh ka Male Medical Ward-I, Bed No. 2 ha ka 24.10.2025 ha ka por 11:51 baje mynstep. Une u nongpang u la khlad noh ha ka 25.10.2025 ha ka por 12:30 baje nohphai sngi.
Kumta na ka liang ka ophis ka la kyntu bad kyrpad ïa baroh ki bahaïing hasem ba kin wan ban kam bad ban shim noh ïa kane ka metïap napoh ka jaka buh metïap jong ka hospital mardor ne hapoh ka 3 sngi naduh ba la pynmih ïa kane ka jingpynbna.
