Kyrmen u MR ban sdang noh ka jingtih dewïong da ka buit stad saïan naduh mynta u snem

Shillong, Rymphang 21 : U Myntri Rangbah ka Jylla Conrad K Sangma mynta ka sngi Balang ula pynpaw ka jingkyrmen ba ka jingtih dewiong da ka buit stad saian kan sdang noh naduh mynta u snem.
Haba jubab ïa ka jingïatai halor ka jingkren u Lat, u Conrad ula ong ba ki jingpynkhreh ïa ki kam ki jam ban sdang ïa ka jingtih dewiong da ka jingstad saian ka dang shu sdang mynta.
“Ngi dang ap ïa ka environment clearance, ka jingpynlong ïa ka public hearing kaba dei ban long hapoh ka 45-60 sngi” ula ong.
“Ngi la thikna bha ba ha une snem mang tyngka ban wan, ngin sa ïohi ïa ka jingsdang jong ka jingtih dewiong da ka jingstad saian” bynrap u Myntri Rangbah.