Jowai, K’Lyngkot 25: U Superintendent of Police, ka West Jaiñtia Hills District u ma C. Syrti, MPS ula pyntip ba kala don kawei ka met ïap jong uwei u rangbah briew ba la tip kyrteng kum u Skan Ryngkhlem. Kaba dang buh sah mynta ha ka jaka buh metïap hapoh Civil Hospital, Ialong.
La ïathuh ba une u (L) Skan Ryngkhlem u don hapdeng ka rta ba 48-50 snem ei ei, u phong da ka Jacket rong ïong, T-Shirt rong Blue bad ka patlun Track suit. Ïa ka shnong bad jaka sah jong u ki Pulit kim shym la ïoh jingtip satia.
Kumta u SP ula la kyntu ïa kiba ha ïing ha sem ne kiba don jingïadei ba kin leit peit bad shimti noh ïa katei ka met ïap. Kino kino kiba don jingithuh ïa katei ka met ïap ki lah ban phone ha kine ki Number: Jowai PS-8787494560 / 9863066565 lane ha Jowai PCR : 9774065467 / 03652220782.
