Kyntu u President ka MPUF-EJHD ïa u DC ban shimkhia ïa ki Teer Counter kiba khlem biang ki kot ki sla

Khliehriat nailar 21: Ka Meghalaya People’s United Front East Jaiñtia Hills District ka la lap ba ki don shibun bha ki dukan thoh tim lane ki Teer Ciounter kiba la shu plie beaiñ hapoh ka district, ki bym don ki kot ki sla kiba biang, ka seng ka pynpaw ba lada ka long kumne kan wanrah ïa ka jingduh nong ba khraw ïa ka district, halor kane ka seng ka kyntu jur ïa ki bor district lyngba u Deputy Commissioner ka East Jaiñtia Hills District ba un shim khia noh ban tehlakam ïa ki dukam Teer Ciounter, kiba shu plie beaiñ.
U President jong ka MPUF East Jaiñtia Hills District, u bah Kyrshan Blah, u la pynpaw shuh shuh ba hapoh ka district lada u/ka wei ki ioh ïa ka license ki plie pat haduh san bad shi phew tylli ki dukan thoh tim (Teer Ciounter) bad kane ka long ka bym sngew iahap satia, kumta ka seng mynta ka sngi ka la leit ban buh da ka jingthoh ha ophis u Deputy Commissioner bad pan jingbit ban leit khynra ïa ki license na ki nongpynïaid Teer Ciounter hapoh ka district.
Kumjuh ruh u President jong ka San Shnong, u bah Scientist Sana u la dawa ba dei ban shim khia ïa kane ka kam ka ban long ka jingmyntoi ïa ka district hi baroh kawei.
Ki nongïalam jong ka MPUF na East Jaiñtia Hills District, ki la iathuh ba na ka liang ki bor district ruh ki la kular abn shim khia ïa kane ka kam ha kaba iadei bad ka jingplie bun tylli ki Teer Ciounter, ki bym biang kot biang sla bad donkam ban leh ïa kane na ka bynta ka jingïaid beit iaid ryntih ki dukan thoh tim hapoh ka district.