Jowai, Ïaïong 02: Ka ophis jong u Deputy Commissioner (Supply) ka la pyntip sha baroh ki Fair Price Shop Dealer hapoh Laskeiñ bad Thadaskein Block ba ka jing pynrung ïa u Aadhaar bad ïa ka e-KYC jong ki nong bam khaw ration (Beneficiaries) kiba hap hapoh ka West Jaiñtia Hills District ki hap ban pyndep noh ban pynrung kyrteng Aadhaar bad leh e-KYC ha lane shwa ka 30th June 2025.
Ka office ka la pyntip ba kane ka long ka jingpyntip ba khatduh na ka sorkar pdeng bad hadien kane ka tarik kito kiba ym pat pynrung Aadhar lane leh e-KYC yn sa pynduh noh ïa ka jingïoh khaw rashon jong ki.
Kumta, baroh ki nongbam khaw rashon kiba ym pat dep leh Aadhar seeding lane shon kti na ka bynta e-KYC, ki dei ban pyndep noh kloi kloi ha ki Fair Price Shop kiba hajan tam.
