Kyntu ka DS Bataw ïa ki kyrtong ïakhun election ba kin bud ïa ki kyndon ïalap election hapoh shnong

Khliehriat, Rymphang 05: Ha kaba ïadei bad ka jingpynlong jingïalang paidbah na ka bynta ka jingialap election jong ki kyrtong ïakhun election MDC sha Jaiñtia Hills Autonomous District Council, kiba ieng na ka 29 Bataw Lakadong na ka liang ka Dorbar Shnong Bataw lyngba u waheh shnong, u bah Deihok Sumer u la ong ba da ka jingtip lang bad ka jingai jingmut lang ki dkhot ka Executive Boday la pyntip ba ka shnong kan ailad ïa baroh ki kyrtong ban pynlong jingïalang ha madan Lacheh Playground Bataw.
Ha kajuh ka por na ka liang ka Shnong ka la bthah ba ki kyrtong baroh ki dei ban bud beit bud ryntih ïa ka hukum kumba
la pynmih da ka ophis u Deputy Commissioner ka East Jaiñtia Hills District ha kaba iadei bad ki kyndon ban jingpynlong jingïalang paidbah ne ban ialap election.
La sngewthuh ba ka ophis u Deputy Commissioner ka la dep ai sha baroh ki kyrtong ïa ki kot lyngkdop kiba la thoh ïa baroh ki kyndon ba ki dei ban bud.