Kyntu ïatreilang ïa ki Sengbhalang bad ki paidbah

0

Shillong, Jymmang 05: Ha ka 4 tarik mynta u bnai, ka HYC Sengkmie ka lah ïoh ban pynskhem bad pyntiam smai ia ki Nongkitkam jong ka Ri War Mihngi Circle ha ka Shnong Pynursla na bynta ka samoi treikam 2022-2025.
Ka kyrwoh ba la phah da ka Seng, ka ïathuh ba la pyniaid ïa ka jingïalang da u Samla Teibor Marbaniang. Ki Nongkren kiba lah ai jingkren ha katei ka sngi ki long u Samla Edmund Khongngai, u President ba la shongthait jong ka HYC Ri War Mihngi Circle uba la ai ki kyntien kyntu kynpham ïa ki dkhot bad nongialam ba thymmai jong ka Circle. U la kyntu ruh ïa ki ba kin buddien ïa ki kam kiba ka Seng ka la shim ha kine ki 7 snem ba lahdep naduh ba la thaw ïa ka Circle hanka dong ka thaiñ Pynursla hi baroh kawei.
U la kyntu ruh ban ïatreilang bad ki Nongshong shnong, ki riew rangbah bad ki Longkmie kiba ju kyrshan ïa ka Seng ha man la ki khep bad ki por baroh bad ban ïai trei ban ïoh ka jingshaniah na ki ha man la ki kam kiba kum ka Seng kan leh nangne shakhmat.
La ïoh ruh ka jingkren na I Kong T. Marbaniang, President ka Women Social Welfare Organisation, Pynursla bad u Rangbah Dong ka Dong Umkor Bah A. Khongsni kiba la ai ki kyntien kyrkhu kyrdoh ïa baroh ki dkhot bathymmai ka Seng.
Ïa ka bynta ba kongsan ban pyntiansmai ia ki Nongkitkam kane ka Circle lah pyndep da u Samla Rangbah Roy Kupar Synrem, General Secretary HYC Sengkmie.
Ki Nongkitkam kane ka Circle ki long U Samla Donalson Pyngrope, President- Samla Teibor Marbaniang, General Secretary- Samla Lamphang Khonglam, Organising Secretary bad sa kiwei kiwei ki Nongkitkam bad ki EC Member.

Leave A Reply

Your email address will not be published.