Nongstoiñ, Jymmang 08: Ka surok na Ktiehthawïar haduh Langpih ka dei ka surok kaba donkam bha, namar ba ka ïew Langpih ka dei ka ïew khappud kaba ki paitbah jong ki shnong kiba hap ha ka ri Muliang, ki leit ban siew ban tda ban khaï ban pateng.
Ïa katei ka surok kaba jngai tang kumba khyndai kilomitar la dep siang rong naduh snem 2013-14, hynrei mynta ka la pra bad jot rathai ha klaba ki kali ba kit ïa ki nongleit ïew leit hat ki la shem shitom bha.
Halor ka jingsniew jong katei ka surok ki paitbah nongshong shnong kynthup naduh ki thaiñ Langja, Ktiehthaw?ar, Umthlu bad kiwei kiwei ki shnong, ki la ong ba tang namar ka jingsniew jong ka surok, ki nongñiah kali ki hap ban pynkiew ?a ka bai leit bai wan bad ka bai kit bai bah. Kumta ki nongdie jingdie ruh ki hap ban pynkiew dor ?a ki mar ki mata, namar lada kim pynkiew dor ruh ka bai kali kam mih shuh.
Nalorkata ki la ong ruh ba ki nongdie jingdie kiba wan na kiwei pat ki shnong kum na Nonglang, Kyndongei, Mawkapiah, Kyrdum bad naduh Nongstoiñ kim da sngewthuh than namar ki ?aid na Kyrdum bad ka surok ruh ka dang bha. Nangta na Mawsikar shaduh Langpih la bteng sa ka surok rong ba la shna da ka sorkar Assam.
Ki la kynthoh tyngeh bad thnum ruh ?a u MLA ka Rambrai Jyrngam ba naduh ba u la jop haduh mynta um pat leh ei ei bad um pat kren ei ei wat tang shikyntien na ka bynta ka jingmyntoi jong ki paitbah.
Ki la ong ruh ba ha ki don shibun ki briew kiba kren beiñ ?a ki ar ngut ki MLA barim u bah K.P.Pangñiang bad u bah Kimfa S. Marbañiang, da kaba kynnoh ba kim leh ei ei, hynrei une u MLA ba mynta lei lei wat tang ban ?akynduh ruh kim ju ?akynduh satia.
