Shillong, Jylliew 19: Ka MDC jong ka NPP na Nongshken ka Kong Grace Mary Kharpuri kala kynnoh ba kane ka Executive Committee ba la ïalam da ka VPP ha KHADC kala ïalam bakla halor ka jingthung Secretary jong ka Khasi Traditional Medicine Commission (KTMC).
Haba kren ha ka por ba kren halor ka mang tyngka ka Kong Grace ka appointment halor ka jingthung Secretary jong ka KTMC kala ïaid shaid shaid katba ka budget ne ka mang tyngka dang wanrah mynta.
Kum kane ka jingthung Secretary kam pat ju jia bad kan jia aiu lada mih ki Secretary ha man la kit and trei kam bad u secretary la KTMC ka iahap kyrdan bad u Secretary ka Executive Committee jong ka KHADC bad kumjuh ruh jong ka Legislative, ong ka Kong Grace.
Na ka liang u Bah Titos u la ong ba ka KTMC kadei ka independent body, kumno lah ban thung Secretary ha ka KTMC bad ha ka jingshisha ban jied da ka ïing dorbar.
Shuh shuh u Bah Titos u la ong, Kumno thung Secretary khlem wahrah hapoh ka ïing dorbar.
Haba jubab ïa kane ka cut motion u Bah Seibor Warbah uba dei u Executive Member ba peit ïa ka pla tyngka u la pynksan ba don ka jingïalam bakla, namar ba ka vote of Account kan kut haduh ka 30 tarik mynta u bnai Jylliew.
Shuh shuh u la ong ba ka jingthung Secretary jong ka KTMC la pynmih da ka Executive Order.
