Nongpoh, Nailur 25: Uwei u rangbah naka shnong Umkaduh bala tip kyrteng kum u June Masharing (33), u la kyllon bad iap syndon haka shnong Borkhatsari, Marngar.
Katkum ka khubor bala ioh lum mynta ka janmiet haka por 6 baje eiei katto katne ki nongshong shnong kila ioh sngew ïaka jingwiar jong ki ksew ha katei ka shnong, bad shem pynban ba don uwei u rangbah bala hap sharud surok ha kawei ka khlaw siej, kumta kila pyntip mar mar sha u Rangbah Shnong u ba la pyntip pat sha ki pulit jong ka Nongpoh Police Station.
Related Posts
Hadien ka jingpoi jong ki pulit kila lap ba utei u briew u la mynsaw haki bynta jong ka khlieh bala suba ruh ba la dung u siej haka por ba u kyllon bad khlad noh syndon hajuh.
Ïa ka met jong utei u rangbah la pynkit noh sha Nongpoh Civil Hospital naka bynta ban pyndep ïaka post mortem bad bthah ruh ïaki bahaiing ban ujor da ejahar hadien ba la dep ka jinglehniam ba khatduh.