Mawkyrwat, ‘Naitung 12: Ka South West Khasi Hills District Badminton Association (SWKHDBA) mynta ka sngi ka la ïoh ban pynkut noh ïa ka lympung ïalehkai badminton kaba la tip kum ka 9th South West Khasi Hills District Badminton Championship 2023 ba la pynlong hapoh ka Indoor Stadium, Mawkyrwat, South West Khasi Hills District.
Kane ka lympung ïalehkai badminton ka dei ruh kum shibynta ban jied ïa ki khynnah, ki samla bad kiba kham heh shynrang bad kynthei ki ban sa mihkhmat ïa ka distrik ha ka state level ka ban sa long shen.
Ki nongjop ha kane ka lympung jong ka 9th South West Khasi Hills District Badminton Championship 2023 ki kynthup; ha ka Under-13 Boys Single – u Mandapkupar Wanniang, Under-15 Boys Single – u Adrian Syiemlieh, Under-15 Girls Single – ka Wansaphi Marpna, Under-15 Boys Doubles – u Adrian Syiemlieh bad u Mebakyrshan Iawphniaw, Under-17 Boys Single – ka Arbin Khardewsaw, Under-17 Girls – ka Dedaphi Marpna.
Nangta, Under-17 Boys Double – u James Anderson Kharlyngdoh bad u Mebakyrshan Iawphniaw, Under-17 Boys Double – u Wansaphi Marpna bad ka Deidaphi Marpna, Under-19 Boys Single – u Given Warder Lyngdoh, Under-19 Girls Single – ka Jessica Wanniang, Under-19 Boys Double – u Pynkhlaiñkupar Wanniang bad u Given Warder Lyngdoh, Under-19 Girls Double – ka Wansaphi Marpna bad ka Deidaphi Marpna.
Ha ka Under-19 Mixed Doubles – u Given Warder Lyngdoh bad ka Judita Wanniang, Men Open Single – u Given Warder Lyngdoh, Men Open Double – u Superson Wahlang bad u Kynsaibor Thongni, Women’s Open Single – Ka Balancy Lyngkhoi bad Open Women’s Double – ka Balancy Lyngkhoi bad ka Joycyful Nongrem.
Ïa kane ka lympung ïalehkai la wan ban pynhap pyrda noh da u bah Renikton Lyngdoh Tongkhar, MLA ka Mawkyrwat Constituency ha ryngkat ka jingïadonglang bah T. Lyngwa, IAS, Deputy Commissioner, South West Khasi Hills District, u bah L.T. Tariang, MCS, Additional Deputy Commissioner, South West Khasi Hills District, u bah I. Lawryniang, MCS, Block Development Officer (BDO), South West Khasi Hills District, u bah Basan P. Lyngdoh, General Secretary ka South West Khasi Hills District Badminton Association bad kiwei de.
