Jowai, Naitung 20 : Ki shipai ïada khappud jong ka Border Security Force (BSF) ka 172 Bn ha kane ka 19 tarik u Naitung kila ïoh kurup na kawei ka trok haduh khyndai (9) tylli ki Kulai, kiba la thmu ban shalan tuh sha Ri Bangladesh lyngba ki jaka khappud jong ka East Jaiñtia Hills District.
La ïathuh haka por ba ki BSF ki dang pynlong ka jingkhynra ïa ki kali ha surok National Highwaay-06 hapoh ka shnong Sonapur Check Post, katei ka trok kam shem la sangeh hynrei kala phet beit beit sha ki thaiñ Umkhiang, haba ki BSF kiba beh thong ïa katei ka trok la lap ba la pynïeng ïa ka hajan kawei ka Petrol Pump ha Umkiang.
Ha ka por ba pynlong ïaka jingkhynra ïa katei ka trok ki shipai ïada khappud kiba lap ïa kitei ki 9 tylli ki kulai, na ka liang ki BSF kila aiti noh ïa kitei ki Kulai bad ka Trok sha ki pulit, na ka bynta ban ïoh leh ïa kaba donkam.
