Shillong, Jylliew 30: Ki Pulit ki la kem ïa uwei u shipai ba la shongthait bad ïoh kurup ïa u drok na iing sah jong u ha Happy Valley.
Une u shipai u dei uba la tip kyrteng kum u Lhunkhojang Kuki ba khot sin u Pajang bad Jangkholal, 63 snem ka rta. U dei uba la shongthait kum u shipai ka Assam Rifles ha u snem 2001, ong ki Pulit.
Na ka iing une shipai, ki Pulit ki la ïoh kurup 6 tylli ki synduk sabon ba thep ïa u drok heroin ba khia 64.41 gram.
Nalor kane, ki la ïoh kurup ruh ïa kawei ka mobile phone, kawei ka scooty ba don u nombor MN 01 Y 8820, ka pisa T. 21,600 bad ka Licence ñiah kali.
