Shillong, Naiwieng, 19: Ki Pulit jong ka East Khasi Hills ha ka sngi Saitjaiñ ki la ïohkem ïa uwei u snar khaii drok kaba lam sha ka jingïoh kurup ïa u drok uba shongdor T. 1.75 klur.
U SP (City) ka East Khasi Hills Bah Vivek Syiem u la pyntip ba ïa une u snar khaii drok la tian bishar ha Kashari ka NDPS Special Court.
“Ka jingtohkit ka dang ïaid shakhmat shwa ba pynngat kyndon. Ngi donkam ai ka jingïatreilang na ka imlang ka sahlang ban rat dyngkhong ïa kine ki kam bymman,” ong u Bah Syiem.
U Myntri Rangbah ka Jylla, Conrad K. Sangma u la ïaroh ïa ki Pulit kiba la ïoh kem ïa ki snar khaii bad kurup ruh ïa u drok ha kajuh ka sngi.
“Ka jingtrei shitom jong ki Pulit ka Jylla Meghalaya ban pynkdiah ïa u budlum jong ki snar khaii drok ka la nang mih soh. Kine ki jingjop ki pyni ïa ka jingïatreilang hapdeng ki bor ka aiñ bad ki paidbah,” ong u Sangma ha ka rynsan X.
U la khot bad wer ruh ïa ki paidbah ban shim ïa ka jingsmai ban ïakhun pyrshah ïa ka jingisaitmet jong u drok bad ban pyllait luid ïa ka Jylla Meghalaya na ka jingjyllei jong u drok.
