Shillong, Naiwieng 19 : U Bah Process .T Sawkmie, MLA barim u ong ba donkam ïa ka jingïatreilang hapdeng ki Accredited Social Health Activist (ASHA) bad ka myntri ka koit ka khiah ka Kong Ampareen Lyngdoh ban ai ka jingsumar ïa kiba donkam.
U la pynkynmaw ba ha ka por ka khlam COVID -19 ka sorkar ka la ïa trei lang bad ki ASHA, kumta u kyrpad ruh ha kane ka kynti ba kin ïa trei lang.
U kyrpad ruh ïa ka myntri ka koit ka khiah ba kan khot ïa kren biang ïa ki ASHA, khnang ba kin lah ban weng shisyndon ïa ka jingïapher jingmut.
“Ka sorkar ka dei ban sngewsynei lem ïa ki ASHA ban kyntiew ïa ka honorarium ka jong ki, kumba ki la dawa,” ong u bah Sawkmie.
“Namar ka jingbym treikam ki ASHA ha kine ki sngi bun kiba donkam jingsumar ki la shem jingeh haduh katta katta, wat ki health center baroh shi katta dei ki ASHA kiba ïarap ïa ki,” pynkut u bah Sawkmie.
