Shillong, Risaw 11: Kum shibynta ban ïakhun ïa ki kam beaiñ hapoh ka nongbah, na ka liang ki pulit ka East Khasi Hills district ki la leit ban khynra ïa ki dukan kiba die kiad beaiñ hapoh u pud u sam jong ka nongbah bad ka district.
Ha ka jingleit ban khynra hapoh ka thaiñ Polo kaba hab hapoh ka Sadar Police station, na ka liang ki pulit ki la ïoh ban kurup haduh 115 litre ka kiad pyrsi bad kumba 162 litre ka beer. Halor kane ka la don ka jingpynngat ha ki kyndon aiñ hadien jong ka jingkurup.
Kane ka long ruh kum shibynta ban pynlong ïa ka jingrakhe ïa ka Puja kaba lait na kino kino ki jingeh.
