Khlad 5 ngut ki nong Meghalaya ha ka jingpluh ka Indistrict Park ha Silliguri, phah sngewlem u CM

Shillong, Nailar 17: Haduh san ngut ki briew na Meghalaya, kynthup arngut ki khynnah, ki dei napdeng ki phra ngut kiba iap ha ka jingpluh ding hapoh ka Industrial Park kaba don ha Sevoke Road, Siliguri, West Bengal, ha ka janmiet sngi U Blei.
Kane ka Industrial park ka la kem ding ha ka janmiet Sngi U Blei, bad ki kynhun ai jingïarap bad ki Pulit pynlip ding ki la hiar wut wut sha katei ka jaka ban ïarap pyllait im ïa ki briew.
Ki san ngut ki nong Meghalaya kiba iap ki dei kiba la ithuh kum ua Rajendra Nath, Asha Nath, Buran Madak, Shivraj Madak (10) bad Aushnath Madak (8). Baroh kine ki dei ki nongshong shnong ka Dalu Chaipani ha West Garo Hills,
Ia kine ki lanot la ïoh ban pynlait na ka ding hynrei namar ka jingmynsaw jur, ki dotor ki la pynbna ba ki la iap noh.
Ki lai ngut kiwei pat kiba iap ki kyrteng u Kamal Roy, Amit Pal bad Subir Saha kiba dei na Alipurduar.
Kat kum ka jingong ki bor Sorkar, ki kynhun ai jingïarap ki la ïoh ban pyllait haduh 34 ngut ki briew.
U Myntri Rangbah ka Jylla Conrad K. Sangma ula pynpaw ka jingsngewlem halor ka jingkhlad noh jong ki 5 ngut ki nongshong shnong ka West Garo Hills ha ka jingpluh ding hapoh ka Hotel Bideshinii hajan Tarapith Police Station, kaba hap ha Birbhum district ka West Bengal.
Kane ka jingpluh, ïa kaba la kynnoh ba ka dei na ka jingthud jong ka bording elektrik, ka la shim ïa ka jingim jong ki 8 ngut kaba kynthup ïa ki 5 ngut na Meghalaya kiba leit pilkrim sha katei ka jaka.
Ha ka rynsan social media, u Sangma ula phah ïa ka jingsngewlem sha ki bahaïing bahasem jong kitei kiba la khlad noh bad kitbok kitrwiang ïa kito kiba mynsaw ba kin ïoh noh ïa ka met kaba koi tba khiah.
“Ka Sorkar ka jong ngi ka dang iatreilang bad ki bor kiba dei khmih jongka West Bengal” ong u Sangma.
Kane ka jingpluh ding kala jia ha ka Hotel hajan Tarapith Temple katba ki nongshong shnong ka Meghalaya ki dang leit sha katei ka jaka kum ka jingleit pilkrim. La ïathuh ba kim shym la ïoh lad ban phet na katei ka hotel kaba la kem ding bad kila iap na ka jingshah bam ha ki thylliej ding kiba la klang bha.
Kila don sa 6 ngut ki nongleit pilkrim kiba na Dalu Chaipani ki la lait im na katei ka jingpluh ding bad ki la Dalu Chaipani ha West Garo Hills,Dalu Chaipani ha West Garo Hills,ïoh ban phet krad ban ïada ïa la ka jingim.
Kane ka jingjia kala wanrah ka jingsngewsih ïa ki paid jong ka West Garo Hills, ha kaba ka Sorkar Meghalaya ka la ïatreilang bad ki bor kiba dei khmih jong ka West Bengal halor kane ka jingjia kaba sngewsih.