Shillong, Nailar, 06: Ki shipai BSF jong ka 43 Battalion da ka jingïatrei lang bad ki Pulit jong ka Jylla Meghalaya ha ka sngi Saitjaiñ ki la ïoh kurup 24,000 kilo u kwai uba shongdor 48 lak na khappud jong ka Jylla Meghalaya.
Ha kane ka jingkhynra ha ka thaiñ khappud jong ka shnong Rongra kaba hap hapoh ka South Garo Hills District, ki shipai BSF bad ki Pulit ka jylla ki la ïoh kurup ïa u kwai ba la buhrieh hajan khappud ïa uba la thmu ban pynkit sha ka jylla Assam. Ïa une u kwai la aiti noh sha ki Pulit ka Rongra Out Post ban leh ïa kaba donkam katkum ki kyndon jong ka aiñ.
Ha kawei pat ka jingkhynra, ki shipai BSF jong ka 4th bad ka 172nd Battalion ki la ïoh kurup ïa ki jaiñ kiba shongdor palat T. 20 lak na khappud jong ka East Khasi Hiils bad na East Jaiñtia Hills ïa kiba la thmu ban shalan be-aiñ sha ka ri Bangladesh.
Ïa kine ki mar ba la ïoh kurup la aiti noh sha ka ophis Custom ban leh ïa kaba donkam katkum ki kyndon jong ka aiñ.
