Shillong, Nailur 14: Ki shipai BSF ki la ïoh ban kurup haduh 64 tylli ki muid ha khappud bad ka Bangladesh ha West Jiantia Hills District, kine ki muid dei kiba la thmu ban khaïi beaiñ sha Bangladesh.
Ki shipai BSF mar ïa ïoh jingtip ba don ki briew kiba ñiah ïa ki muid sha khappud ban rung sha Bangladesh, ki la pynlong ïa ka jingkhang kdong ïa katei ka jaka bad ha kane ki la ïoh ban kurup haduh 64 tylli ki muid ïa ki masi kiba la ïoh kurup bad halor kane na ka liang jong ki ki la aiti noh sha ki pulit ban leh ïa kaba donkam.
Ki BSF kila ïoh ruh ban bat ïa kawei ka kali Bolero ha khappud Bangladesh ha East Khasi Hills District kaba mut ban phah sha Bangladesh, bad na kane ka kali ki la ïoh ban kurup ïa ka shini kaba long 12,000 kilo.
Ki shipai BSF kiba la peitngor ha khappud bad ka Bangladesh ki la ïaleh ban khanglad ïa ki jingïakhaiï beaiñ sha Bangladesh, naduh u bnai Kyllalyngkot 2024 haduh mynta la ïoh kurup ïa ki masi bad muid 800 tylli bad 2310 ton ka shini.
