Shillong, Nailur, 18: Ki shipai Border Security Force (BSF) jong ka 193 Battalion kiba la pynlong ïa ka jingpynap ktem ha ka sngi Baar ki la ïoh ban pynpulom ïa ka jingthmu ban khaii tuh ha shilynter ka khappud India-Bangladesh ha Meghalaya.
Ha ka jingpynap shrip, ki shipai BSF ki la ïoh kurup ïa ki masi bad ïa kiwei kiwei de ki mar khaii tuh kiba shongdor palat T.16 lak tyngka ïa kiba la thmu ban khaïi tuh sha ka ri Bangladesh na khappud jong ka East Khasi Hills District.
Ïa kine ki tiar ba la ïoh kurup la aiti noh sha ka Ophis Custom ban leh ïa kaba donkam katkum ka aiñ.
Ha kawei pat ka jingpynap shrip, ki shipai BSF ka 4th Battalion ki la ïoh ban kurup 12 tylli ki muid na ka thaiñ khappud kaba dang hap hapoh ka Border Out Post Hawaitila, ïa kiba la thmu ban shalan tuh sha ka ri Bangladesh.
Nalor kine, ki shipai BSF jong ka 200th Battalion, Meghalaya ki la ïoh ban kurup shi bun bah ki jaiñ ïa kiba la thmu ban khaii tuh sha ka ri Bangladesh na khappud jong ka jylla Meghalaya.
