New Delhi, Risaw 03: Ka tnad syntiat “Central Bureau of Narcotics” kaba don ha jylla Rajasthan ha ka jingïakhun pyrshah ïa ki jingdih buaid ka la ïoh ban kurup u 1.080 kilo u Ganja na post ophis ha Jaipur ba wan na Thailand.
Ka tnad syntiat na Thailand ka la pyntip sha India ba ka don ka song kaba phah sha India kaba la suba ba lah ban don kynjo drok, namar ïa ïoh ïa kane ka jingtip ki briew jong ka CBN kiba don ha Jaipur kila shim ïa kane ka song.
Haba la shim ïa ka bad peit bniah ba hapoh ka song ki don shibun ki jingsong barit barit bad haba la bishar bniah dei u hydroponic weed u Ganja ba la tylliat bha bad ki song rit baroh ki don 29 tylli ha ka dur jong u Kake ba la burieh hapoh.
Ki ophisar jong ka CNB kila kurup bad pynngad hapoh ka kyndon aiñ Narcotic Drugs and Psychotropic Substances (NDPS) Act, 1985, bad kiwei kiwei ki kyndon hadien bala dei ban bud katkum kum ki kyndon baroh ki jingdih pynbuaid kiba wan na bar ri.
Na ka liang jong ka CBN ka long kaba peitngor ban pynthikna ki mar kiba wan na shabar jong ka ri kim dei ban don ïa ki jingduh pynbuaid bad na ka liang jong ka CBN ki long kiba peitngor ba pynthikna kan nym don ka jingïakhaïi ïa ki jingdih kiba sniew.
