Nongpoh, Nailar 12: Kumba 4 bnai kynthih haduh mynta ki paidbah jong ka shnong Umlakhar ha Ri-Bhoi kila hap ban mad ka jingeh kaba khraw bad hap ban shongdum khlem bording elektrik namar ka jingbym shimkhia jong ka tnad MeECL ban peit bad khmih ïaka jingeh jong ki paidbah watla naka liang ki bor shnong kila dep ban ïakren bad ki bor ba dei peit bad ban pynsngew ïaka jingeh jong ki paidbah.
Haba kren bad u nongthoh khubor mynta ka sngi u Bah Royes Madur Rangbah Shnong ka Umlakhar u la pynpaw ka jingsngewkhia kaba jur ba ka tnad MeECL kam shym la shimkhia ïaka jingud jingnam jong ki paidbah katei ka shnong kiba la hap ban shu shong kum ha ri khlaw mynta la kumba 4 bnai naka daw ka jingduh jong u transformer ha katei ka shnong.
U la ïathuh ruh ba kum ka bor shnong kila dep ban pyntip sha ka tnad MeECL halor katei ka jingeh kaba ki paidbah ki ïakynduh bad bala kular ruh ïaki ban peit ïaka jingeh hynrei khlem patiaw eiei haduh mynta ki paidbah katei ka shnong kila hap ban shu shong dum khlem bording bad mad ïaka jingeh kaba khraw ban pyntyllun ïaki kam ki jam, ki jingdonkam ha iing ha sem bad khamtam ka pule puthi jong ki khynnah skul bad ki samla pule.
Katei ka jingbym don bording ha katei ka shnong la kumba 4 bnai kala pyndkhoh lut
