Kular ka Myntri sorkar pdeng ban kyntiew ïa ki kam thaiñ bad pynmih jaiñ

0

Shillong, Jymmang 10 : Ka Sorkar Pdeng ka kloi ban kyrshan ïa ka Jylla Meghalaya ba kan kyntiew ïa la ki jong ki nongthaiñ jaiñ bad ka kam pynmih jaiñ ha ka Jylla.
ïa kane la pyntip da u Myntri ka Tnad Textile Bah Pual Lyngdoh haba ïakren bad ki nongthoh khubor mynta ka sngi Balang.
Ula pyntip ba ka Myntri ka Tnad Railway bad Textile Darshana Jardosh, ka la wan ïuhkjat mynta ka sngi ha Jylla bad ka la ïoh ban ïakren bad ki nongthaiñ jaiñ bad ki nongthaiñ jingthaiñ da ka kti nalor ka jingsam ïa ka Poshan ID Card sha ki.
“Ngan sa ïakynduh ïa ka bad kane ka dei ka jingleit ïakynduh kum ka jingburom ïa ka Myntri bad ngan sa pynsngew ruh ïa ki katto katne ki jingeh jong ki nongthaiñ jaiñ bad kiwei kiwei kiba don jingïadei bad ka kam pynmih jaiñ” ula ong.
Kat kum ka jingong jong u, ka long kaba donkam ban kyntiew ïa ka jingsngewthuh hapdeng ki nongthaiñ jaiñ bad ki nongthaiñ jingthaiñ da ka kti halor ka jingtreikam ka Tnad Textile lyngba ki Nongmihkhmat paidbah bad ki Dorbar Shnong bad ki Khlieh Nongsynshar khnang ba ka Sorkar kan lah ban ïarap ïa ki.
Haba kylli, u Myntri ula pyntip ba un sa aiti da ka dorkhas sha ka Myntri haba bynrap ‘Ka (Darshana) la dep pynpaw ïa ka jingkwah ban kyrshan ïa ka Jylla Meghalaya”.

Leave A Reply

Your email address will not be published.