Shillong, Naitung 18 : Ka Special Lok Adalat ha ka sngi Saitjain, ka la pyniasuk bad pynbeit ïa ki mukotduma hapoh ka Nagotiable Instrument Act kiba shongdor palat 11.31 lak tyngka.
Hapoh ka jingpynïaid ka Meghalaya State Legal Services Authority hapoh ka NALSA, kane ka Lok Adalat ba shisngi ka pynleit jingmut kyrpang tang halor ki cheque kiba pynphai ne bounce bad jong ka NI Act.
ïa kane ka Adalat la pynlong hapoh ka jingkyrshan ka Chief Justice Revati Mohite Dere, da ka jing khmih u Justice HS Thangkhiew bad W Diengdoh jong ka Meghalaya High Court.
Ki borkhmih kila ong ba ki mukotduma ba 11,31,050 tyngka lah pynbeit ha kane ka jingbishar kaba thmu ban pynbeit kloi da ka jingïasngewthuh jingmut ïa ki jingïakajia.
