Shillong, Risaw 29: U Myntri Rangbah ka jylla u Conrad K Sangma u la pynpaw ba ka National People Party (NPP) ka long kana donbok bha ban ioh ïa u Dr DRL Nonglait ban long u kyrtong na ka bynta ka election shiteng samoi jong ka MP election bad u la pyntikna ruh ba un sa long u nongjop lada baroh ki MLA kin ïa trei shitom lang.
Haba kren ha ka jingialang pdiang sngewbha ïa u Bah Paul Lyngdoh, u Bah Renikton Lyngdoh Tongkhar bad u Bah Nujorki Sungoh, u Conrad u la ong, “Lyngba ka jingkyrshan lang jong phi baroh, khlem artatien u Dr Nonglait un long u MP jong ka party NPP bad ngi dei ban pyntikna ba ka jingiakhun ba nyngkong ngi dei ban jop”.
Ka jingiakhun kaba ar ka jong ngi kadei ka election ha GHADC bad baroh ki dkhot kynthup lang ïa ki dkhot na ri Lum Khasi Jaintia phi ban ia trei lang ryngkat ban jop ia ka election.
Shuh shuh u la ong, “Ka jingiakhun ba kongsan tam kadei na ka bynta ka election ha u snem 2028 bad kumta ngi dei ban trei shitom khnang ba ngin lah ban poi shaka thong”.
