Shillong, Ïaiong 22 : U President jong ka United Democratic Party (UDP) Bah Metbah Lyngdoh u la kob ba ka party ka la pynkhreh ban sei kyrtong lut ha baroh 29 tylli ki constituency ha ka elekshon MDC jong ka Garo Hills Autonomous District Council kaba lah ban sa long shen ha ki khyndiat bnai ban wan.
Da kaba pyntip ba ka party ka la don ruh ki kyrtong kiba biang na bynta kane ka elekshon MDC, u President u la ïathuh ba mynta ka kynti ki kyrtong ba ka party ka ïoh ruh ki dei kiba kynsai bad ai jingkyrmen ban poi sha ka thong.
Lah ban kdew hangne ba ïa ka elekshon MDC ha GHADC kaba dei ban long ha ka 10tarik Ïaiong mynta u snem la pynsangeh noh shwa hadien ba ka la mih ka jingïakhih kaba jur bha ha ka thain.
Haba kren halor ka jingdon ki kyrtong u President u la ong, “Ka jingwan ki kyrtong ka la ai mynsiem bha ha ka por ba ngi sdang ban jied ïa ki kyrtong.”
