Kiar ban ïaid na ka thaiñ Keating Road shaduh Langkyrding ban test pynlait um na ka GSWSS-III

Shillong, Risaw 29: Ka ophis Chief Engineer, PHE, ka la pyntip ba ka jingpyrshang ne ka “Testing bad ka commission ne ka jingpyntrei ïa ka 300mm dia DI gravity main jong ka Greater Shillong Water Supply Scheme (PHASE III) ka ban leit sha ka jaka pynlang um kaba ha Mawpat (Reservoir)” la buh ba kan long ha ka 30.10.2026 shaneng.
Ka jingïaid lynti ba kongsan ne siang ïa ka Gravity Main ka long na Keating Road (near Lady Keane College) sha Polo lyngba ka Police Bazar bad Jail Road shilynter ka surok PWD.
Nangta na Jail Road sha Polo Tower junction sha Municipal Road, bad na Polo Tower junction sha Langkyrding shilynter jka surok PWD.
Ha kaba ïadei bad kane, na ka liang ka ophis Chief Engineer, PHE, ka la ai jingmut bad bthah ïa ki paidbah ba kim dei ban ïaid ne leit shajan ka ROW (Right of Way) jong ki lynti ba la siang ïa ki pipe (pipeline) kumba la kdew haneng ha ka por ba dang leh ïa ka jingpyrshang bad ka jingpyntrei ïa ka kam khnang ba lah kiar na kino kino ki jingjia ki bym lah ban ïohi.