Ka jingshah dait na u Skaiñ Pyrjong ka wallam ka jingdait, saw, at bad kiwei kiwei de ki dak jong ka jingshitom, kynthup ruh ka jinglong pang lada dei kaba khamjur.Ki dawai kiba phi lah ban tah ki dei kito kiba lah ban ïakhun pyrshah ï aka jingdait ne ki jingtah kiba phi lah ban khleh hi ha la ïing lajong. Hynrei ki don ruh napdeng kine ki pyrjong kiba kit ki khñiang jingpang bad buh jingma n aka bynta ka koit ka khiah ki khyllung khynnah. Kumta ka long kaba donkam ban ai jingïada ïa ki khynnah na kine ki jingshah dait ha kine ki kaiñ ki pyrjong.
Kine harum ki long ki lynti ba phi lah ban leh :
Ki kynja dawai ai jingïada : La ki dei ki Cream, gel, ne kiwei pat ki jingtah kine ki long khyndiat napdeng ki kynja dawai kiba phi lah ban pyndonkam. Phi donkam ban kyllan ha ka sniedoh jong ki khynnah khamtam ha ki bynta ba lait shabar kum ka kti, kjat, ryndang, ka dur bad kiwei kiwei de ki jaka, ka jingtah da kine ka long napdeng ki lynti ba phi lah ban kiar bad ai jingïada ïa ki khynnah n aka jingshah dait ha kine ki pyrjong bad pyllait na ka jingma halor ki jingpang ba kit da ki.
Ka jinglehkai ha ki jaka kiba shngaiñ : Pynthikna ba ki khun jongphi ki lehkai ha ki jaka kiba shngaiñ. Ki jaka ba bun ki dieng, ki jingthung ne ba don ka um ba lang ki lah ban long kiba don jingma. Ki pyrjong ki kham jur ban shong ha ki jaka ba lang um bad ki lah ban kynthah ïa ki khun jong phi bad buh jingma halor ka jinglah ban ngat ha ki jingpang bad ki jingshitom.
Pynphong da ki jaiñ bad ki juti kiba dei : Lada ki khun jongphi ki leit lehkai ha ki jaka ba don ki jingthung bad ki phlang, phi donkam ban pynphong da ki jaiñ kiba lah ban ai jingïada n aka jingshah dait ha kine ki pyrjong. Pynphong da ki patlun bad ki sopti jrong kti ba kham lah ban ai jingïada. Ka jingpynphong da ki juti bad muja ym tang ba ka ai jingïada n aka bynta ka sla kjat ki khun ban lait n aka jingmynsaw bad ka jingjakhlia, hynrei kane ka pynthikna ruh ba ki khun jongphi kin lait n aka jingshah dait ha ki khñiang ki pyrjong kiba lah ban shongrieh ha kitei ki jaka.
Pynsum ha ka por ba la dep ban lehkai : Hapdeng b aka dei ka aïom lyiur, kam don jingktah satia lada phi pynsum kumba arsien ha ka shisngi. Ka long kaba bha lada phi pynsum biang ïa ki khun jongphi hadien ba ki la wan n aka jaka ba lehkai. Kane ka pynduna halor ka jinglah ban ngat ha ka jingshitom ba ktah ha ka sniehdoh ba mih n aka daw jong ka syep, kane ka ïarp ruh ban pynduna ka jinglong dait bad saw ha ka sniehdoh jong ki na ka jingshah dait ha ki pyrjong.
