Jowai, Risaw 28: Ka One Stop Centre ka dei ka Scheme lane ka lad jingïarap ba bei tyngka da ka Sorkar Pdeng lyngba ka Ministry of Women and Child Development (MWCD).
Ka One Stop Centre ka dei ka jaka ai jingïarap ïa ki longkmie ne ki kynthei ba don hapoh 18 snem ka rta ha kaba ïadei bad ka jingshah thombor ne shah lehbeiñ hala ka jong ka longing, jaka trei ne ha ka shnong ha thaw.
Ka jingshah lehbeiñ da kaba ktah kti (Physical abuse) ka jingshah leh beijot/shah thombor haka liang ka jingïashong kha shong man (Sexual abuse), ka jingshah lehbeiñ ne kren beiñ kaba ktah ïa ka jingmut jingpyrkhat ne ka bor pyrkhat. (Emotional & Psychological abuse) bad ka jingshah lehbeiñ kaba ktah ïaka ïoh ka kot (Economic abuse).
Ka jingïarap kaba long kyrkieh (Emergency) bad ka bym long kyrkieh (Non-emergency), ka jingleit synran shapoh ki jaka ai jingsumar (hospital) haba pang ne mynsaw jur (Medical aid). Ka jingai jingïarap haba ïadei bad ka aiñ ka kanum (legal aid), ka jingai jaka sah ba katto katne por (temporary shelter), ka jingïasyllok ne jingkynpham ha kaba ïadei bad ki jingeh jingpyndik haka jingmut jingpyrkhat/bor pyrkhat (Psycho-social Counselling).
Kino kino ki kynthei kiba shah thombor ne shah lehbeiñ ki lah ban wan dalade hi lane lyngba uno uno u briew/ka briew ban synran ïaki kiba kynthup:
U/Ka briew ba don mynsien ban ïarap ïaki riew paidbah (Public Spirited citizen), Ki Nongtrei Sorkar (Government Servant) katkum bala batai haka kyndon 21 Indian Penal Code (IPC), 1860. Kiba ha ïing ha sem, Ki Paralok, Ki Sengbhalang (NGOs), Volunteer lane lyngba ki Helpline number 181 ba iatreilang bad ki Police, Ambulance bad kumta ter ter.
Na ka bynta ka jingtip ba kham bniah lah ban phone ha u number: 6009957335, Email ID: oscwestjaintiahills@gmail.com, Helpline uer-181.
