Ki Kontraktor ki dei ban kular ban maramot biang ïa ki surok lada sniew kloi, ong ka HC

0

Shillong, Naiwieng 17 : Ka Meghalaya High Court ha ka sngi Palei kala bthah ïa ka sorkar jylla ba kan pan kum ki kynja jingkular khnang ba ki kontraktor kin hap ban maramot lada jïa ba ka surok ka sniew kloi.
“Ka sorkar jylla kadei ban ïoh da ki kynja jingkular khnang ba ki kontraktor kin hap ban maramot biang lada jia ba ka surok ka sniew noh tang ha i por iba khyndiat hadien ba la dep pyntrei ïa ka kam,” ong ka Division Bench ha ka jingbishar ïa ka PIL ba la ujor da u AH Hazarika haba ïadei bad ka jingpyntrei ïa ka surok Agia-Mendhipara-Phulbari-Tura (AMPT) Road.
Ka Bench ka la bthah ruh ïa ki Supervising Engineer of PWD (Roads) kiba peit ïa ka jingpyntrei ïa kitei ki surok ban pyntikna ba ka jingpyntrei ïa ka kam kadei ban long kaba paka bad kan ym sniew kloi noh tang hadien ba la dep shna.
Katkum ka jubab ba la phah da ka jylla, ka paw ba ka kam ka la ïaid shaphrang mynta bad kumba 33 kilometer la dep ban pyndep bad ka kam ka dang ïai bteng ha kiwei pat ki bynta.
Utei u nongujor u la ujor haba ïadei bad ka surok ba 41km ha kaba u la pdiang ruh ba ka surok kaba 33 km ka la dep pura.
U nongujor u ong ba ïa ka kam ha kitei ki 41 km kaba sah la bhah ïa ka kma ha ki hynriew ngut ki kontraktor bad ong ruh ba ka jingpyntrei kam ïahap satia. U la ong ruh ba ki antad ba hadien ba la pyndep tang katto katne ka rong ka lah ban khuid noh.
Haba jubab, ka jylla ka long ba ïa kane ka kam la leh ban pynstet ïa ka kam khamtam haba ki kontraktor na ka thain kim da don ka bor ban shim kam bun bad pyndep ïa ka ha ka por kaba lyngkot.
Ka sien bishar kaban bud kan long biang ha ka 20tarik Rymphang, 2023.

Leave A Reply

Your email address will not be published.