Naduh ka jingpynkhlañ ïa ka lad ban peitngor ïa ki dor jong ki mar haduh ka jingpyrkhing ïa ki nongpynkheiñ ïa ka Consumer Protection Act, ka Tnat Consumer Affairs hapoh ka Ministry of Consumer Affairs, Food and Public Distribution ka la shim ïa ki sienjam ba tyngeh ha une u snem ban ïarap bad ai jingïada ïa ki nongthied nongpet.
Katto katne ki sienjam ba kongsan bad ki jingjop jong ka Tnat ha u snem 2022 ki long:
Ka Skhim ban pynkhlaiñ ïa ka lad peitngor ïa ki dor jong ki mar
Ka Price Monitor Cell ka peitngor ïa ki dor dielang bad die khutia jong arphew ar tylli ki mar ba kongsan (u Khaw, kew, Atta, Gram Dal, Tur (Arhar)Dal, Urad Dal, Moong Dal, ka shini, Gur, Umphniang bam, umphniang shana badam, Vanaspati, Sunflower Oil, Soya Oil, Palm Oil, slasha, dud, phan, piat, sohsaw bad ka mluh) katkum ka jingtip ba la ïohlum na 179 tylli ki jaka ïew ba don ha kylleng ka ri ba mihkhmat ïa ka phang shatei, phang sepngi, mihngi, phang shathie bad ki thaiñ shatei lammihngi jong ka ri. Ia kine ki dor la lum lyngba ka mobile app. Shuh shuh, kine harum ki long ki jingjop ba la ïoh;
Ha une u snem la bynrap shuh sa 57 tylli ki jaka ai jingtip shaphang ki dor. Da kane ka jingdon ki jaka ai jingtip shaphang ki dor ka la kiew na ka 122 ha ka 01/01/2021 sha ka 179 haduh mynta.
La pyllait ïa ki kyndon treikam jong ka skhim na ka bynta ban pynkhlain ïa ka Price Monitoring Cell ha ka 19/08/2021. Ha une u snem, la ai T. 1,47,01,908/- sha ki Jylla/UT ban pynkhlain ïa ka lad ban peitngor ïa ki dor.
La pyntreikam ïa ka Mobile App ban ai jingtip naduh ka 1 tarik Kyllalyngkot 2021. Baroh ki jaka lumïa ki dor jong ki mar ki la ai jingtip man ka sngi shaphang ki dor lyngba ka Mobile App.
Ka rukom ban batai lypa ïa ki dor.
Ka Price Stabilization Fund
Ki dor jong katto katne ki mar rep horticulture khamtam u piat, phan bad ki shana dai kilong ki bym thikna. Ha ka por ba lum bad shen tang hadien kane, la ïohi ïa ka jinghiar kynsan ha ki dor dielang bad dor die khutia. Da ka jinghiar jong ki mar ba la buh lypa, ki dor ki sdang ban kiew. Kane ka jinglong ka paw shai ha kaba ïadei bad ki piat, ki phan bad ki shana dai. Ka jingbym thikna ka dor ka ktah bha ia ki nongthied.
Ka jingkiew dor kine ki mar ka ktah bha ïa ki nongthied ha ka rukom ka jingkiew ka jingmang na ka bynta ka bam. Ka jingbym thikna ka dor jong ki mar ruh ka ïalam sha ka jingantad kaba ktah shuh shuh ïa ki dor ha ka ïew die khutia. 1.2 Ban pynduna ki jingeh ïa ki nongthied, la mynjur ïa ka skhim ba thymmai jong ka sorkar pdeng ban ai bai seng ban pynïaid ïa ki kam kiba man ka sngi bad kiwei kiwei ki jinglut ban thied bad pynpoi ia ki mar rep. Na ka bynta kane, la sdang ïa ka “Price Stabilisation Fund”. Harum ki long ki jingjop ha u 2020-21:
Ha kane ka samoi 12.83 LMT ki shana dai la pynkit na PSS, DACFW sha PSF, DoCA /thied/ hapoh ka PSF. La buh lypa 2.8 LMT ki pyiat ban pyndap ha ki iew. Ia u pyiat ba la buh lypa la pyllait ha ka rukom ba la peit thuh ban pynduna dor. La tyrwa ruh u piat sha ki Jylla/UT ha ka dor T. 21/kg ban sam sha ki briew ha kine ki jylla.
Ka jingpyllait pisa sha ki Jylla/UT kum ka jingsiew bailutksan na ka bynta ka jingpynkit hapoh ki Jylla bad ka bynta jong ki dukan reshon na ka bynta ka jingsam ïa ki shana dai hapoh ka PMGKAY bad ANB
Ha une u snem la pyllait T.35.59 klur sha ki Jylla/UT kum ka jingsiew bailutksan na ka bynta ka jinglut ha ka jingpynkit hapoh ka jylla & ka jingpynïaid, ka bynta jong ki dukan reshon bad ka Additional Margin Distribution lyngba ka PoS na ka bynta ka jingsam ïa ki shana dai hapoh ka PMGKAY bad ka skhim ANB
KA JINGAI JINGHIKAI IA KI NONGTHIED
Ka Department of Consumer Affairs (DoCA) ka la pyntreikam ïa ki polisi na ka bynta ka jingmyntoi jong ki nongthied bad ki paidbah baroh, ka la pynkhlaiñ ka jingïada ïa ki nongthied bad ka jingai jinghikai halor kane. Ka DoCA ka la sdang ïa ki sienjam bapher bapher ba ïadei bad kane ka thong ban ai jingtip ïa ki nongthied bad ki hok jong ki.
Ka jingai jinghikai hapdeng ki nongthied shaphang kine ki sienjam, khamtam ha ki jaka nongkyndong bad ki jaka ba dang sahdien kalong kaba donkam khnang ba ki nongthied ki lah ban ïoh jingmyntoi na kine ki sienjam bad ban long kiba don jingtip.
Haba ithuh ïa ka jingdonkam ban kyntiew jingtip hapdeng ki nongthied, ka Department of Consumer Affairs (DoCA) ka la pynlong ïa ki campaign ai jinghikai ha kylleng ka ri ba la tip kum ka “Jago Grahak Jago”. Lyngba ki khubor kiba rit, ki nongthied ki ïoh jingtip shaphang ki rukom kiba be-aiñ bad ki jingeh bad ka lad ban ïoh jingïarap.
La pyllait ia u mascot ba thymmai “Jagriti” jong ka tnat mynta u snem bad la pynkhlaiñ ïa ka jingai jinghikai ba ïadei bha bad baroh ki nongthied. Ka Tnat ka la pyndonkam ïa u mascot “Jagriti” ryngkat bad ka “Jago Grahak Jago” ha baroh ki media campaign jong ka.
Ka media campaign na ka bynta ka jingtip paidbah ïa ka National Consumer Helpline la pyni ha ka kaiphod ai jingtip shaphang ka suiñbneng, ki caption jong ka khubor ha ka DD Kisan. La pyni ïa ki Scroll message ha DD News bad ki regional channel jong ka Doordarshan ban ai jingtip ïa ki nongthied shaphang ki bynta jong ka Consumer Protection Act, 2019, MRP, expiry date, National Consumer Helpline (NCH) bad kiwei kiwei. La pyni ïa ki video ban ai jingtip ïa ki nongthied ha ki prokram bapher bapher ha Doordarshan kum ka Swaraj bad ka Journey of India.
La pynïaid ïa ka Ad Libs (ki live message jong ki RJ) lyngba All India Radio (AIR) ban ai jingtip halor ki phang bapher bapher.
Namar ka jingkiew ki kam digital, ka social media, ka la ïarap bha ban pynsngewthuh ia ki briew lane ka imlang sahlang. Ki post kiba man ka por ha ka dur jong ki jingsaindur bad audio / visual halor ka Consumer Protection Act, 2019 bad kiwei kiwei ki sienjam jong ka Tnat la upload ha ki social media ba pynïaid da ka Tnat.
https://twitter.com/jagograhakjago,
https://twitter.com/consaff,
https://www.facebook.com/ConsumerAdvocacy/
https://www.instagram.com/consumeraffairs_goi/ , Koo bad ki rynsan Public App ban ai jinghikai bad pynkupbor ïa ki nongthied. Kine ki tweet ki ïarap bha ïa ki nongthied ban ïoh ïa ka jingtip ba donkam kynthup ka lad ban weng ïa ka jingeh.
Ka Tnat ka la ïashim bynta ha ki prokram/ki tamasa bapher bapher ban ai jinghikai ïa ki nongthied kiba poi ha kine ki prokram/ ki tamasa khamtam ki briew kiba sah ha ki jaka ba dang sahdien jong ka ri. Ka Tnat ka la ïashim bynta ha ka India International Trade Fair (IITF) 2022 ha New Delhi da kaba pynbna paidbah halor ki tiket bad ki jingpynbna ha ka por jong ka prokram.
Ka jingiashim bynta shitrhem jong ki sorkar jylla ha ka awareness campaign kalong kaba donkam ban rah shakhmat ia ka jingiakhih sha ki jaka nongkyndong bad ki jaka ba dang sahdien, ki sorkar Jylla/UT ki la iadon bynta ban pyniar ia ka jingai jingtip ia ki nongthied.
KA BUREAU OF INDIAN STANDARDS (BIS)
Ka BIS Act 2016 ka la treikam naduh ka 12 tarik Risaw 2017, hadien kane la thung biang ia ka Governing Council bad ia ka jingialang kaba saw jong ka la pynlong ha ka 24 tarik Nailar 2022 ha BIS HQ New Delhi.
Ka kam jong ka BIS kalong ban thaw ia ki rukom treikam kaba kyntiew ia ka jingbha jong ki mar bad ki kam ai jingshakri. Ka Bureau ka ai ka jingkyrshan ha ka liang ki kam teknikal sha ki karkhana bad ki kam ai jingshakri da kaba kyntiew ia ki kyndon, ka jingwanrah ia ki kyndon ba thymmai ha ki jaka ba donkam, bad ka jingai jingithuh ia ki mar bad ki kam ai jingshakri ban pynthikna ka jingbha bad ka jingshngain. Ka jingtreikam jong ka BIS kilong kumne harum:
KA JINGTHAW IA KI RUKOM TREIKAM
Ha u Iaiong 2022- 25 Naiwieng 2022, 1217 tylli ki rukom treikam (509 kiba thymmai bad 708 kiba la pynkylla) la thaw bad 3426 ki rukom treikam ba la peit bniah. Ka jingdon ki rukom treikam kiba ïaid mynta, haduh ka 25 tarik Naiwieng 2022 kalong 21833. 7771 ki rukom treikam jong ka ri ki dei kiba la pynïahap bad ka rukom treikam ISO/IEC. Baroh ki don 38 tylli ki rukom treikam ka India ba la pynmih hapoh ka Services Sector Division Council.
Haduh ka 25 tarik Naiwieng 2022, ka BIS ka dei ka dkhot jong ka ISO Council (ka kynhun kaba halor tam jong ka ISO) ISO Council Standing Committee on strategy and policy (CSC SP) Technical Management Board (TMB) (ka kynhun kaba halor tam ba peit ïa ki kam teknikal ha ka ISO)
Ka BIS (India) ka dei ruh ka dkhot jong ka IEC Standardization Management Board (SMB) (ka kynhun kaba halor tam ba peit ia ki kam teknikal ha IEC), IEC Market Strategy Board (MSB) (ka kynhun ba dei khmih ia ka jingai jingithuh bad tohkit ïa ki kam teknoloji bad ki jingdonkam jong ki iew) na ka bynta ka samoi Lber 2022- Lber 2025 bad ka IEC Business Advisory Committee (BAC) (ka committee kaba peit ïa ki kam pisa bad ki kam pynïaid ïew).
Ka BIS kadei ka Participating (P) member ha lai tylli ki Policy Development Committee jong ka ISO (CASCO, COPOLCO and DEVCO), 495 ki Technical Committee/Subcommittee jong ka ISO bad 106 ki Technical Committee/Subcommittee jong ka IEC, bad O-member ha 185 ki Technical Committee/Subcommittee jong ka ISO bad 66 ki Technical Committee/Subcommittee jong ka IECKa BIS (India) ka la iakhun bad jop ia ka IEC Vice President bad Chair jong ka Standardization Management Board (SMB) na ka bynta ka samoi 2023-2025.
Mynta ka BIS ka don 32 tylli ki Memorandum of Understanding (MoU) bad 09 tylli ki Bilateral Cooperation Agreement (BCA) ba la ïasoi bad ki National Standards Bodies bad kiwei kiwei ki kynhun jong kiwei ki ri. Ha kane ka samoi, la ïasoi ïa ka BCA hapdeng ka India Taipei Association (ITA) bad ka Taipei Economic Cultural Center ha India (TECCI), ba mihkhmat ia ka BIS bad BSMI.
Ka BIS (India) ka bat ïa ka chairship jong ka South Asian Regional Standards Organization (SARSO) Technical Management Board na ka bynta lai samoi naduh u Risaw 2020 haduh Risaw 2023 bad ka Board of Conformity Assessment (BCA).
CONFORMITY ASSESSMENT
Ka jingai jingithuh ïa ki Mar: Ka BIS ka pynïaid ïa ka Skhim Product Certification hapoh ka Bureau of Indian Standards Act, 2016 bad ki Ain, ki Kyndon ba la kdew ha ka. Na ka bynta 379 tylli ki mar ka sorkar pdeng ka la pynlong kongsan ban ïoh ïa ka jingithuh na ka BIS halor ki bynta bapher bapher. Ha ka 1 tarik Iaiong 2022 haduh 25 tarik Naiwieng 2022, la ai 3274 tylli ki license ba thymmai, kynthup 51 tylli ki mar ba la pynrung ha ka sien ba nyngkong hapoh ka skhim. Ki mar baroh ba la pynrung hapoh ka skhim ai jingithuh ia ki mar kilong 1156. Ka jingdon ki license kiba treikam ba bat da ki nongpynmih mar haduh mynta kalong 40,227.
Ka Foreign Manufacturer’s Certification Scheme (FMCS): ka jingdon ki license ba treikam kalong 1107 pyrshah ia ka 146 tylli ki kyndon bapher bapher na ki 57 tylli ki ri. La ai 133 tylli ki license naduh ka 1 tarik Iaiong 2022.
Ka Compulsory Registration Scheme (CRS): Ki license baroh ba la ai kilong 3509 bad 6329 ki jingkyrpad ban kynthup lang la ai jingmynjur hapoh ka CRS ha ka samoi 1 tarik Iaiong 2022 haduh 25 tarik Naiwieng 2022. Kine ki aplikeshon ki kynthup na ki nongpynmih tiar na ka ri bad nabar ri.
Ka jing ai dak
Ha ka por naduh ka 1 tarik u iaiong, 2022 haduh ka 25 tarik u Naiwieng ka jingrung kyrteng jingai dak ka la kiew na ka 1,37,315 sha ka 1,48,858 katba ki jaka ai dak kiba la ioh jingithuh da ka BIS ki la kiew na ka 1079 sha ka 1349. Ha kane ka por, 7.67 klur ki mar ksiar bad rupa ki dei kiba la ai dak.
Ka jingpynkylla ia ka jingpeit ia ka jingbha na ka bynta ka jingai dak ia ki mar ksiar ka dei kaba la pynbna ha ka 4 tarik u Iaiong 2022 da ka Sorkar India kaba la pynbun ia ki distrik kiba hap ai dak na ka 256 tylli ki distrik jong ka ri sha ka 288 tylli ki distrik ha kaba don kumno kumno kawei ka jaka ai dak ne jaka Assaying naduh ka 1 tarik u Jylliew 2022.
Ka Sorkar India ka la sdang ia ka skhim Gold Monetization ha ka 5 tarik u Naiwieng 2015. Haduh mynta 48 tylli ki jaka A&H bad uwei u nongshna ksiar ki dei kiba la ioh ban trei kum ki Collection and Purity Testing Centres (CPTC).
KA MANAGEMENT SYSYTEMS CERTIFICATION
Ka BIS ka pyntreikam 20 tylli ki Management Systems Certification Scheme katkum ka ISO/IEC 17021-1:2015 ISO/IEC 17021 Conformity assessment – Requirements na ka bynta ki kynhun ba leh audit bad ai jingithuh – Ki jingdonkam.
Ka Quality Management Systems Certification Scheme, ka Environmental Management Systems Certification Scheme bad ka Food Safety Management Systems Certification Scheme kidei kiba la ithuh da ka National Accreditation Board for Certification Bodies (NABCB) pyrshah ia ka kyndon ISO/IEC 17021.
Ha u 2021-22, sa artylli ki skhim kata kalong ka Occupational Health & Safety Management System bad Energy Management System ki la ioh jingithuh na ka NABCB.
Haduh ka 25 tarik Naiwieng 2022, 1240 tylli ki license kiba treikam ki don hapoh ki Management systems certification scheme.
JAKA TEST
Kawei na ki rishot ba kongsan jong ka conformity assessment kadei ka jingtest ia ki mar ban pynthikna ka jongkot ki mar katkum ki kyndon. Ka BIS ka la plie phra tylli ki Jaka Test ha ka ri ban pyndep ia ka jingtest ia ki nongmuna katkum na ki skhim conformity assessment, da kaba sdang seng ia Central Laboratory ha Sahibabad ha u snem 1962. Hadien kane la plie saw tylli ki regional laboratory ha Mohali, Kolkata, Mumbai bad Chennai bad lai tylli ki branch office laboratory ha Patna, Bangalore bad Guwahati. Ki BIS laboratory ki lah ban leh ka jingtest ia ki mar ha kaba iadei bad ki dawai chemical, microbiological, electrical bad ki jingdonkam ia ki lad mechanical. Nalor ka jingtest ia ki mar, ka BIS ka la plie ia ka jaka test ia ka ksiar ha Chennai, Sahibabad, Kolkata, Mumbai, Bangalore, Patna bad Jammu Branch Office. Ka jaka test ia ka ksiar ha Chennai kadei ka lah ruh ban test ia ki jingdeng rupa.
Khnang ban pynthikna ba ki jingai jingshakri ki BIS laboratory kilong katkum ka por kumba long ha kiwei ki ri, la ithuh ia ki laboratory ha Mumbai, Kolkata, Chennai, Mohali, Patna, Bengaluru bad Guwahati da ka National Accreditation Board for Testing and Calibration Laboratories (NABL) katkum ka ISO/IEC 17025. Ka skhim kalong katkum ka ISO/IEC 17025, ba iadei bad ki kyndon ba pdiang da ka NABL.
La wanrah ia ki jaka Test:
La wanrah ia ka jaka test ba thymmai ba la biang nadong shadong na ka bynta 76 tylli jong ka ISS.
La wanrah ia ka Partial Test Facility na ka bynta 118 tylli jong ka ISS
04 tylli ki Referral Assay Laboratory ba thymmai la plie ha WRL, BNBL, PBL bad JKBO.
Ki sienjam ba thymmai
Ka Jingkyntiew ia ka Laboratory Information Management Software (LIMS)
Ka LIMS (Laboratory Information Management System) kadei ka rukom treikam online ba la shna ban peit ia ki BIS Laboratory bad OSL (outside laboratories) ba la ithuh da ka BIS. Baroh ki laboratory ba dei jong ka BIS bad OSL ba la ioh jingithuh mynta ki iatrei lyngba ka LIMS.
Ka LIMS ka iasohlang ruh bad ka Manak Online bad kiwei kiwei ki BIS system ki plie lad ia ki BIS Branch Office ban phah ia ki Test Request sha ki laboratory bapher bapher bad peitngor ia ka jinglong ka jingtest ia ki nongmuna, ki kaiphod jong ka test, Invoices online.
La saindur ia ki rukom jong ka Uniform test report ha LIMS na ka bynta baroh ki mar hapoh ka jingioh jingithuh na ka bynta baroh ki outside laboratory ba la ithuh da ka BIS.
Ka LIMS ka iasohlang bad ka mobile app katkum ka Android bad iOS na ka bynta ka jingleh audit baad ai jingtip ia ka kam na ka bynta ka Jingithuh da ka BIS.
Ka jingpeitngor ia baroh ki nongmuna na ka bynta ki kam BIS conformity assessment. 217374 tylli ki nongmuna la iohpdiang lyngba ka LIMS bad 159626 ki kaiphod jong ka test la pyllait lyngba ka LIMS haduh mynta.
Ka jingithuh ia ki jaka test
Ka jingithuh lyngba ki distrik na ka bynta ki karkhana bad ki laboratory ba la ithuh da ka NABL ba don ha ki distrik bapher bapher la pynbiang sha baroh ki Branch office jong ka BIS bad la bthah ia ki Branch Office ban pynbiang ia ki industry units ba don ha ki distrik bapher bapher na ka bynta ka jingithuh shuh shuh ia ki industrial unit.
La pynlong ia ka jingialang peit bniah ia ka Parakh Portal ha ka 25 tarik Iaiong, 2022 bad ka DPIIT halor ka jingiasoh bad ka API na ka NABL bad BIS bad ka Parakh portal na ka bynta ki jingtip jong ki BIS laboratory data ha ka rynsan Parakh.
Ki kam Laboratory Recognition Scheme.
La pynthymmai ia ki jingsiew jong ka LRS bad ia ki recognition fee la pynduna na ka T.1, 00,000.00 sha ka T. 60, 000.00 na ka bynta ki MSME bad ki longkmie kiba seng kam lajong.
La pynlong ia ki jingialang iamir jingmut bad ki skul, ki college bad ki karkhana da ki BIS Lab. Ha kane ka jingialang la iakren halor ka bynta ba kyrpang ba kynthup ki jingdonkam ha ka jingleh ia ki test na ka bynta ki mar. Ka don ruh ka jingleit jngoh ia ka lab.
Ka jingkyntiew ia ka sap treikam na ka bynta ki nongtrei ba dei khmih ia ka jingbha
La pynlong 03 tylli ki Certificate Course na ka bynta ki nongtrei bad 15 tylli ki Certificate Course na ka bynta ka product certification ha ki BIS lab ha baroh shi snem.
KI KAM WAD BNIAH & KI JINGAI JINGHIKAI
La sdang ia ki Action Research Project da ki ophisar ha ki kam bapher bapher jong ka BIS. Nalor kane, la mang ia ki Indian Standards sha ki ophisar ban sdang ia ka jingpeit bniah lyngba ka Action Research mode, ban ai jingmut ha ka jingpynthymmai/ jingpynkylla/jingpynthikna lane ka jingweng. Haduh mynta, la 2259 tylli ki Action Research Project sha ki BIS Officer bad ka jingiaid shakhmat kine ki projek la peitngor da ki Heh duh, ki DDG, bad DG.
Ka Bureau of Indian Standards ka la sdang ia ka certificate course kaba la ithuh da ka National Skill Development Corporation (NSDC) ban weng ia ka jingeh ki nongtrei ba don bynta ha ka jingpeit bniah bad ban kyntiew ia ka sienjam Skill India jong ka Sorkar India. Ka Central Laboratory (CL), Southern Regional Laboratory (SROL) bad Eastern Regional Laboratory (EROL) jongka BIS kidei kiba la ithuh kum ki jaka ai jinghikai na ka bynta ka jingpule bad haduh mynta ki don 137 ngut ki kandidet kiba la pyndep ia ka jingpule. Ka batch ba thymmai jong ka Certificate Course ka la kut ha ka 19 tarik Naitung 2022 ha SROL AND CL bad 20 tarik Naitung ha EROL.
Katkum ka Training Policy jong ka BIS, IIM Ahmedabad la iatreilang ban ai ia ka residential leadership development training na ka bynta ki nongtrei ha ka kyrdan ‘Head’ bad shaneng ban iarap ia ki ban lah ban pyndep pura ia ka kam hapdeng ka jingtbit bad ka rukom ba seisoh. 40 ngut ki BIS officer ki la iashim bynta ha ka jingai jinghikai naduh 26 haduh 30 tarik Nailur 2022.
La pynlong ia ka Exposure visit cum Training of Scientific Cadre Officers of BIS (19 nos.) to CEN-CENELEC & AFNOR naduh ka 27 tarik Jylliew haduh 6 tarik Naitung 2022 ban ioh jinghikai halor ki was organized from 27 June 2022 to 6 July 2022.
Ka Bureau of Indian Standards (BIS) ka don ha ka kyrdan kaba kongsan ha ka jingdon jingem kaba bha bad ka long kaba bun ki jingshemphang ha kata ka bynta. Ki Case Study bad ki khana jingjop ki lah ba long ki jingdon jingem ba kongsan ha ka jingiasam ia ki jingmyntoi jong ki sienjam bapher bapher ba la shim da ka Bureau na ka bynta ka jingkyntiew ia ka jingdon jingem kaba bha. Ka BIS ka la pynlong artylli ki prokram ai jinghikai halor ki case study ha NITS bad ki nonghikai na IIM (Lucknow) bad la pynkhreh 11 tylli ki case study.
Katkum ka Internship Scheme jong ka BIS ba la mynjur ha ka jingialang kaba 148 jong ka Executive Committee (EC) jong ka BIS kaba la long ha ka sngi Thohdieng, 26 tarik Lber 2021, sawphew hynniew ngut ki samla pule kidei ki Intern ha ka BIS ha ka Sustainability Project bad uwei u samla pule ha ka Project ban pule ia ka bynta ban kot sha ka kyrdan ha ka bynta jong ka kyndon ba iadei bad ka teknoloji kum ka Data Protection Bill, Information Security bad kiwei kiwei.
Hapoh ka sienjam e-ITec jong ka Tnat External Affairs, Sorkar India, artylli ki Online International Training Programme kynthup ia ka International Training Programme halor ka “Management Systems” bad ka International Training Programme halor ka “Laboratory Quality Management System and Internal Audit as per IS/ISO/IEC 17025:2017” la pynlong ha u Lber 2021 bad la iashim bynta da 83 ngut ki delegate.
Ki Prokram ai jinghikai ba la pynlong
Ha kane ka samoi, ka National Institute of Training for Standardization (NITS) ka la pynlong 152 tylli ki prokram na ka bynta ki karkhana, ki ophisar jong ka BIS bad ki dkhot jong ka Technical Committee. Baroh kiba iashim bynta kiba la ioh jinghikai ha kane ka samoi kilong 4036.
Ki Capsule Course na ka bynta ki SME
La ong ba ka jingduna ka jingshemphang ha ki kam teknikal jong ki nongtrei kiba peit ia ka jingbha ki mar kalong kawei na ki jingeh ba ki kam karkhana ki mad haba ialeh ban ioh/pyntreikam ia ki BIS license. Kane ka jing duna ka kiew namar ka jingmih bun ki mar ba thymmai hapoh ka thup BIS certification. Khnang ban weng ia kane ka jingeh, ka BIS ka la pynlong ia ki Capsule Course ba lyngkot samoi (2- sngi) na ka bynta ki nongtrei kiba dei peit ia ka jingbha ki mar lyngba ka NITS bad ki Branch Office jong ba don ha kylleng ka ri. Ia kine ki Capsule Course la pynlong khlem donkam ban siew ei ei da ki nongiashim bynta. La khmih lynti ba 165 tylli ki Capsule Course yn pynlong ha u snem 2022-23. Haduh mynta, 90 tylli ki Capsule Course ladep pynlong. Kumba 1500 ngut ki briew ki la ioh jinghikai ha kine ki prokram.
Ki Certificate Course na ka bynta ka Assaying and Hallmarking
Ka Bureau of Indian Standards ka la sdang ia ka certificate course halor ka ‘assaying and hallmarking,’ ba la ithuh da ka National Skill Development Corporation (NSDC). La khmih lynti ba ka jingpule kan ban weng ia ka jingeh ki nongtrei ba don bynta ha ka jingpeit bniah bad ban kyntiew ia ka sienjam Skill India jong ka Sorkar India. Ka Central Laboratory (CL), Southern Regional Laboratory (SROL) bad Eastern Regional Laboratory (EROL) jong ka BIS kidei kiba la ithuh kum ki jaka ai jinghikai na ka bynta ka jingpule bad haduh mynta ki don 137 ngut ki kandidet kiba la pyndep ia ka jingpule.
Ka NITS ka la pynlong ruh ia ka Certificate Course na ka bynta ki nongtrei ba dei peit ia ka jingbha jong ki mar ha Central Laboratory Sahibabad ha ka 2 tarik Iaiong- 29 tarik Naitung 2021.
KI KAM INFORMATION TECHNOLOGY
La kyntiew ia ka rynsan ban pynrung shuh shuh ki bynta ba thymmai kum ka “Review of Standards” kaba buh pud ia baroh kito ba don bynta jong ka BIS ban iashim bynta ha ka kam peit bniah bad pynthymmai ia ki Kyrdan jong ka ri.
La plie ia ka dur ba thymmai jong ka BIS website (www.bis.gov.in) kaba la saindur katkum ka jingdonkam ka juk mynta, kaba suk pyndonkam ia ka. La ban halor ka roi ka par kaba lah ban iaineh, ka Manak Manthan, BIS Care App, ki Product Specific Capsule course halor ka jingtehlam ia ka jingbha, ki Standards club ha ki jaka pule, ki Standards ha ki jaka ba thymmai, Internship bad ka BIS, Know your Standard, ka jingiatreilang bad ki jaka pule teknikal bad jaka pyntbit ha ki sap treikam, bad kiwei kiwei.
Lah ban ioh ia ka BIS CARE App ha kiba pyndonkam iPhone/iPad ruh.
La wanrah ia kawei ka Agency na ka bynta ka jingkyntiew ia ka online Exchange Forum na ka bynta ka BIS. Ka forum kan pynsuk ia ki kam online kum ki Quiz bad ki jingiakop. Ki jingai jinghikai, ki Workshop, ki khubor bad ki prokram, ki jingiamir jingmut, ki jingiasam ia ki jingai jingmut bad kiwei kiwei na ka bynta ki dkhot ka Standard Club bad ki Nonghikai bad ki Technical Expert/Committee Member.
Ka rynsan conformity assessment ka plie lad ia ki nongshna tiar ha ka thain ban aplai grant of licence na ka bynta ka jingpyndonkam ia ka Standard Mark (ISI) ha ki tiar jong ki, ka jingpynthymmai ia ki license, ka jingkynthup ia bun ki jingsiew bad jingphah jingsiew lyngba ka lad online. Ka BIS ka lah ban peit ia ki jingkyrpad bad ai ia ka rai jong ki lyngba ka lad online, bad pynsuk ban lapdien ia ki aplikeshon.
Ka rukom peitbniah katkum ka Laboratory Information Management System (LIMS) bad Mobile-App kadei kaba la pyntreikam ha ka BIS. Ka kam baroh jong ki BIS laboratory bad kumba 500 ki laboratory shimet bad jong ki sorkar kidei kiba la ithuh da ka BIS naduh ba la phah ia ki nongmuna sha ki haduh ka jingphah ia ki kaiphod jong ka test da ki kidei kiba la pynkylla automatic da ka jingpyntreikam ia ka LIMS.
La shna ia ka rynsan ai jinghikai da ka BIS ban pynbiang ia ki jingdonkam ai jinghikai jong kito kiba iadon bynta. Ka rynsan ka la iasohlang bad ka rynsan GST ban ai ia ki invoice ha ka por.
KI KAM BA IADEI BAD KI NONGTHIED & KI JINGIADEI BAD KI PAIDBAH
315 tylli ki prokram kyntiew jingbha ki dei kiba la pynlong da ki Regional Office / Branch office ha kylleng ka ri ha u Iaiong- Naiwieng 2022 na ka bynta ki nongthied.
325 tylli ki prokram kyntiew jingbha ha ryngkat ki kam karkhana kynthup ki prokram ai jingtip na ka bynta ki nongdie ksiar/nongshna mar la pynlong ha u Iaiong haduh Naiwieng 2022.
Ka BIS ka la pynlong 1212 tylli ki prokram na ka bynta ki samla pule bad ki nonghikai jong ki college bad ki jaka pule teknikal ha u Iaiong haduh Naiwieng 2022.