Ka jingbteng ka jingkhluit na ka jingshit jong ka sngi. Ka long kaba donkam ban sumar bha na ka bynta ka met lajong. Kane phi lah ban leh da kaba shim khyndiat ki sienjam jong ka jingpynkylla bad pynneh ka jinglong pyngngad ka met na shapoh. Kane ka heatwave ka wanjia lada kiew ka jingshit kaba lah pat ban ktah ha ka liang ka koit ka khiah hapoh ka met jong u briew. Ka jingkhlaiñ ka jingshit ka dei kaba lah ban wallam ka jinglong ïap-op, long ngiah, tyrkhong ka met, ktha khlieh, long tlot, kynroi prie bad jinglong tlong u klongsnam.
Ki katto katne ki jingbam kiba lah ban ai jingïada na ka jingjur palat ka jingshit ka sngi:
Ka doi : Ka doi ka long kawei napdeng ki jingbam bal ah ban ai jingmyntoi shibun ha ka liang ka koit ka khiah jong ka kpoh bad lah ban pynduna ka jingshit ha kaaïom shit. Ki soh bad ki jhur ha kane ka jingbam. Ka doi ka dei kawei napdeng ki jait jingbam kaba lah ban wallam ka jingpyngngad. Kane ka dei kaba paw ruh kum ka jingbam probiotic bad pynthikna halor ka jingtylliat jingbam bad lah ban pyllait na ka jingshitom ba ktah ha ki snier khamtam na ka jingjur palat ka jingshit.
Ka um snepkor: Kane ka dei ka jingdih kaba thiang bad riewspah ban don ki electrolytes bal ah ban duhnoh na ka met na ka daw ba jur ka jingkhluit. Ka don ruh ki enzyme, mineral bad ki vitamin kiba lah ban ai jingmyntoi hapdeng ba jur ka jingshit. Ka dei kaba lah ban ïarap na ka bynta ka jingpynbiang halor ka jingdon ka sodium bad ka potassium ha ka met, bal ah ban pynbiang ka jingdon um ha ka met.
U Sohsaw : U Sohsaw u long napdeng ki jait jhur ba dap da ka jingdon um bad u kot ka jingdon um kaba long 92-95% bad don ka antioxidant kaba khlaiñbor kum ka lycopene bad ka vitamin C. U Sohsaw u don ka bor ba lah ban ïakhun pyrshah ka jingkiew ka jinglong tyrha bad lah ban ai jingïada na ka jingjur ka jingshit jong ka sngi.
Ki symbai mithi : Kine ki symbai methi ki long sa kiwei pat ki jait kiba phi lah ban ïoh jingmyntoi ha kane ka aïom lyiur. Phi lah ban pdem baroh shimiet kine ki symbai bad sa dih pat ban ïoh ka jinglong pyngngad ha ka met. Kine ki symbai ki dei kiba ai jingmyntoi shibun halor ka jingtylliat jingbam bad ka jingkjit ki gastric juice.
U Sohkhia : U Sohkhia u long u jingbam ba kynsai ba phi lah ban bam ha kane ka aïom lyiur bad u don shibun ka um ha u, ryngkat bad kiba bunjait ki nutrient kum ka Vitamin A, B, bad K, ka folate, kiba paw ba ki long ki daw bal ah ban ai jingmyntoi shibun ha ka liang ka koit ka khiah. U Sohkhia u riewspah ban don ka um bad duna ka calorie, dei halor kane u paw ba u long u jingbam bal ah ban ïakhun pyrshah ka jingshit bad ka jingkhluit.
U Soh Watermelon : Uba phi lah ban ïoh kyrhai ha kane ka lyiur, une u soh u lah ban wallam ka jinglong pyngngad bad ka jingbiang um. U kot ka jingdon kumba 92% ka um ha manla ka shi dawai bad u dei uba kynsai bal ah ban wallam ka jinglong pyngngad.
Kaei kaba phi donkam ban husiar : Phi donkam ban kiar ban bam ki jingbam ba la pynkhreh lypa ne ki jingbam sdieh namar kine ki lah ban pynjur ka jingkhluit hapoh ka met. Kumjuh ruh phi kham tyngkan halor ki jingbam palat kum u sohmynken, syieng, rynsun, u snepdieng sia-sia bad sohmarit. Lada phi sngewtynnad ban bam sohpieng phi donkam ban bam antad. Pynthikna ba phi kham shong slem hapoh ïing lajong. Pynbiang halor ka jingdih um ha kane ka aïom.
