Jowai, Jymmang 20: Ka Jaiñtia Students’ Union (JSU) Seng kmie ka pynpaw ka jingsngewkhia halor ka jingduh klas jong ki khynnah pule hapoh ka Rilum Jaiñtia. Kane ka jingduh klas kam dei satia ka sien ba nyngkong hynrei ka dang ïai jia na uwei u snem sha uwei pat.
Halor kane kiba bun ki khynnah pule ki la ud ïa kane ka jingeh jong ki hadien ba la ïoh ïa ka result matrik bad ki don ki khynnah pule haduh mynta kim pat ïoh ïa ki jaka pule khamtam ha ka kyrdan Class-11.
Ka seng ka khot bad wer ïa baroh ki khynnah pule kiba dang duh klas ban kin wan mih sha ka ophis jong ka seng kaba don ha Lad College Kiang Nangbah (Police junction) mar pyrchah bad ka Meghalaya Transport Corporation (MTC), h ka juh ka por ki lah ruh ban phone ha kine ki number. General Secretary (CB) samla Neilkee Mukhim: 8787643316 bad u Education Secretary (CB) samla Franky Shylla : +919089626783.
