Khynra naphang ka JSM Jowai Circle ïa ki bar jylla ba shong beaiñ ha Ïewmusiang

0

Jowai Risaw 10: Ka Jaiñtia Students’ Movement (Jowai Circle) mynta ka sngi 10 tarik u Risaw kala hiar ban kynsan kynsan bad ban beh naphang ïaki bar jylla ba shong die beaiñ harud surok Ïewmusiang, Ïew Shyiap bad kiwei kiwei ki jaka ha Jowai.
Kane ka jinghiar kynsan ka JSM ka long hadien ba ka seng ka la ïoh shibun ki jingujor na kiba shong die jingdie, kumjuh na kiba ïaid lynti na Footpath naduh Iew Shyiap bad Shi lynter Surok marjan ka ophis u Deputy Commissioner ka WJHD.
Ha kane ka sngi ka seng kala lap ba bun ki bar jylla kiba shong die khlem da don kikot ki sla babiang kum ka Trading license, labour license bad ki Temporary NOC naki Waheh Shnong.
Kumta nakaliang ka seng khlem kynran dien kale beh naphang bad ai ka jingmaham ba tyngeh ïa kitei ki bar jylla, da kaba ong lada sa shien ki wan ban shong biang naka liang ka seng kan sa leh da kaba tyngeh ïa ki bar jylla ba shong Beaiñ.
Ka seng ka dap daka jing sngewkhia ba bun khamtam ïa ki Paradoh Para snam namar kim ïoh ban shong ha kine ki jaka, pynban la shong da ki bar jylla ba nud ban shong watla kim don ki kot sla ba biang .
Halor kane ka seng kala kynthoh jur ïa ka jingtlot ka JHADC ban teh lakam ïa kane jingïoh lad ki bar jylla ban wan shong die, na ka daw ka jingbym shikhai katei ka tnad kiba bun na ki bar jylla ki shim kabu da kaba rah tang ki Adhar, ban pynsakhi, la pynkut ka kyrwoh na u samla Edi Tang ka JSM Jowai Circle.

Leave A Reply

Your email address will not be published.