Shillong, Lber, 17: Ka Hynniewtrep National Youth Front (HNYF) East Khasi Hills mynta ka sngi ka la leit ban pan jingshai na u Commissioner jong ka tnat Transports halor ki 40 tylli ki Post kiba lait kiba khynthup naduh ka Enforcement Inspector bad Enforcement Checker kiba la shu thep kam hapoh katei ka Post khlem pyllait ia kano kano ka adverstisement .
Haba kren sha ki ladpathai khubor na ka liang u Assistant Secretary jong ka Seng U Samla Tyllibor Swer u la ong ba ha ka jingshisha ka seng ka thmu ban ia kynduh ia u Commissioner jong ka tnat Transport hynrei namar ba um don la shu ioh ban ia kynduh ia uwei na ki officer jong ka tnat ban kylli halor ka jingpyllait advertisement.
halor ki 40 tylli ki post ki ba lait kiba khynthup ia ka 10 tylli ka post Enforcement inspector bad 30 tylli Enforcement checkers, kiba la shu pynrung ïa ki briew khlem don kano kano ka advertisement.
U la ong ba na ka liang ka Seng ka dap ka jingsngewkhia halor ka rukom leh jong ka sorkar khamtam ha ba dei bad kane ka mat, namar ka dei ka bynta kaba kongsan ki samla. Na ka liang ka HNYF ka la maham jur ia ki tnat Sorkar bapher bapher ha kim dei ban leh kai bad ka lawei ki samla namar ka ktah ïa ka wad kam jam jong ki samla.
u la ong ban shu thep ha kano kano ka post da ki briew la jong ka wanrah jingeh ïa ki wei pat khamtam kiba wan na ki longïing ba duk kiba ki kmie ki kpa ki trei shitom ban pynlut na bynta la ki khun.
