Shillong, Nailar 06: Ka jingïakhun quarter final jong ka lympung ïalehkai SSA Under-14 Boys League 2023 hynnin ka Sngi Saitjaiñ jong ka taïew ba ladep, ka kut ha kaba ki khynnah lehkai jong ka Mawreng, Umphyrnai, PFR FA bad ka Mawlai ki la ïoh ban bteng ïa ka jingïaid lynti ka jong ki hadien ba ki la khur ïa ka namjop.
Haba phai sha ka jingïakhun kaba nyngkong kaba la sdang ha ka por 09 baje mynstep, ka Nangkiew Irat SC ka la shah pynliem noh da 0 – 4 kol ha ka Mawreng SC. ïa kine ki saw kol na ka bynta ka Mawreng la thep hi da u Borntios Dkhar (6, 17, 29 bad 36min).
Ha ka jingïalehkai kaba ar kaba la sdang ha ka por 11 baje mynstep, ka Umphyrnai SC ka la khur ïa ka namjop hadien ba ka la pynjemkhnap haduh 8 – 0 kol ïa ka Rangdajied United. Kine ki kol na ka bynta ka Umphyrnai SC la thep da u Bankyrshanbor kharkongor (3min), nangta na u Dibormi kharkongor (8min) , u Baniar kharsahnoh (32min), u Donestar Mylliemngap- (34min), u Vickyson Wankhar (38, 57min), u Damebantei kharkongor (40min), u Levelson Kharkongor (47min)
Ha ka jingïakhun kaba bud ha ka por 2 baje nohphaisngi, ka la jam sha kaba kut ha kaba ka PFR FA ka la pynbam haduh 12 – 0 kol ïa ka Sohryngkham SC ban rung sha ka semi final.
ïa kine ki 12 kol la thep da u Kevinson Synrem (7, 30, 31 min), u Lamshwa Rynjah (9min), u Aiborlang khongtip- 12min, u Rafiel Nongkynrih- 30mins/37min, uKhrawpyrkhat Nongkynrih- 32mins/59min, u Banjiedlang khongsit- 39min/44min, u Mangpaka Nongkynrih- 54min.
Katba ha ka jingïalehkai kaba khadduh kaba la pynlong ha ka por 4 baje janmiet, ka Mawkriah West SC ka la shah pynliem noh da 0 – 3 kol ha ka Mawlai SC, kine ki lai kol na ka bynta ka Mawlai la thep da u Iasan Dohling- 43min, u Manbha Nongkhlaw- 44mins/50min kiba la biang pura ïa ka kynhun ban ïohrung sha ka semi final jong kane ka lympung.
