Jowai, Nailar 06: Ka Jaiñtia Body Building & Fitness Association (JBB&FA) shen kan sa pynlong ïa ka rynsan pyni dohksah ba heh duh ha Nongbah Jowai, ïa kaba la tip kum ka “3rd All Meghalaya Amateur Body Buildng Championship Mr. Ironman Amateur 2023”, ka ban long ha ka 2 tarik u September, 2023 ha District Library Auditorium Mynthong Jowai.
Na ka liang u President ka JBB&FA samla Yoosar Kynjing bad u General Secretary samla Bakhrawkupar Sumer kila pyntip paidbah, ïa kane ka rynsan pyni dohksah yn sdang ïa ka prokram naduh ka por 3 baje shiteng, ha kaba yn sam ruh ïa ki khusnam sha ki nongjop da ka Cash Prize naka bynta ki Overall Winner & Category Winner da ka jingithuh jong ka Meghalaya Body Building & Fitness Association bad ka World Fitness Federation India.
Ha ka juh ka por ka JBB&FA kan sam ruh ïa ki khusnam (Award) ba kyrpang kaba nyngkong sha ki Body Building kiba jop shabar jong ka States, ïa ki nongthoh khubor ka Ri-Lum Jaiñtia nalor kiwei kiwei de.
Na ka bynta ki Guest Posers kiba wan pynshong shit ha kane ka rynsan ki dei kiba jop na shabar ka jylla kiba kynthup ïa ka MS. Suzie Oreal Basan MR/MS. Women’s Physique NPC Nagaland 2023, ka MS. Jehvera B Nongkynrih MR/MS. India 2022, u Mr. Wanraplang Thubru MR/MS. India 2022 bad u Mr. Vivan Oswin Pajuh MR/MS. East India 2022.
La pyntip na ka bynta ki nongïashim bynta (weighing participants) haka 2 tarik u September, 2023 kan sdang naduh ka por 12 baje mynsngi.
Katba ïa ki Ticket na ka bynta ki paidbah kiba wan sakhi ïa kane ka rynsan ki lah ban ïoh ha katei hi ka sngi ha ka jaka ba pynlong ïa kane ka rynsan kiba long kumne: 1) Donors Card Rs.500 bad 2) Executive Class Rs.300
Ha ka juh ka sngi ka JBB&FA kan pynkhalai kumjuh ïa ka Lucky Draw kaba long 1st Prize 50.000/-, 2nd Prize 20,000/- bad ka 3rd Prize 10.000/- tyngka.
