SHILLONG, Lber 27: Ka Mawlai Sports Club, ka lahduh jong ka Meghalaya State League 2024, ka la pynbna ba kan pynlong ïa ka Football Trial na ka bynta ka lympung Third Division I-League 2025-26.
Katkum ka kyrwoh jong ka klob, la pyntip ba kane ka jingkhot pyrshang kan long ha ka 29 bad 31 tarik mynta u Lber, 2025, ha Madan Heh Stadium, Mawlai. Yn sdang ïa ka trial naduh ka por 7 baje mynstep haduh kaba por 12 baje mynsngi.
Na ka liang jong ka klob ka la kyrpad ruh ïa ki rangïalehkai ba kin wanrah ïa la ki jong ki tiar ïalehkai, bad na ka bynta ki jingtip ba kham bñiah lah ban phun ha kine ki nombar ba la kdew: 7005381019 bad 8258963848.
