Shillong, Naitung 07: Kum shi bynta jong ka jingrakhe ïa ka sngi laitluid ka Vocal for Local Multipurpose Social & Welfare Organization (VLMS&WO) kan pynlong ïa ka lympung ïalehkai Volleyball kaba shi sngi, kaba la tip da ka Independence Cup Volleyball Tournament 2026. Kane ka lympung kan long ha ka 01 tarik u Nailar bad ym pynlong ïa ka ha ka shnong Umsawrang. Ka kynhhun ba rah ïa ka nam lahduh kan ïohpdiang ïa ka khusnam pisa kaba 20,000- (Arphew hajar), nangta kaba wan ba-ar kan ïoh 10,000- (shiphew hajar) bad 5000/- (san hajar) tyngka ïa ka kynhun ba pyndep ha ka kyrdan ba lai. Ka bai rung na ka bynta kawei pa kawei ka kynhun kaba thmu ban ïashim bynta ka long 2,500/- (Ar hajar san spah). Ki nongpynïaid ki la pyntip ruh ba ka tarik ba khatduh ban pynpoi ïa ka jingpynrung kyrteng ka long shuwa ne ha ka 27 tarik Nailar, 2026. Namar ba kadei ka lympung kaba tang shi sngi ki nongpynïaid ki la rai ban pdiang tang 16 tylli ki kynhun, ha ka rukom ba kat kiba wan nyngkong kin ïoh nyngkong. Kumta na ka liang ki nongpynïaid ka khot bad ïawer ïa baroh ki kynhun jong ka dong ka thaiñ ban ïasnohkti lang ha kane ka jingïarakhe ïa ka sngi laitluid lyngba ka kam ïalehkai da kaba ïashim bynta ha kane ka lympung. Na ka bynta ki jingtip ba kham bñiah haba ïadei bad ka bairung, ki kyndon jong ka lympung phi lah ban phone ha kine ki number : 600923-1887 bad 87874-40489
