Mairang, Naitung 1: Ka Deputy Commissioner jong ka Eastern West Khasi Hills District, ka khot application ïa ki kynhun ne seng kiba la register na ka bynta ban apply ïa ka skhim jingïarap pisa hapoh ka Chief Minister’s Youth Development Scheme (CMYDS) na ka bynta u snem 2024-25.
Kane ka scheme ka ai jingïarap pisa sha ki kynhun kiba la register kum ki Voluntary Agencies (VAs), Non-Government Organizations (NGOs), Society, Cooperative, Voluntary Organization, Youth bad Cultural Clubs bad Association, ki seng kiba ym shim jingmyntoi ïalade, (not-for-profit organizations), ki seng riew paidbah, ki Community Level Youth Institutions, ki Sports Association kiba la register, bad ki tnat sorkar kiba hapoh jong ka District Eastern West Khasi Hills.
Related Posts
Ka jingïarap pisa hapoh jong kane ka scheme kan long na ka bynta ki jait kam, kum ka kynhun jong ka District Level Youth Festivals, ka jingpynkhuid ïa ki jaka ha ki district, Workshop bad Seminar na ka bynta ki samla, Industry Specific Exposure Trips, Youth Career Counseling Fair bad kiwei.
Kane ka scheme ka kyrshan ruh ïa ki Community Regeneration Volunteering Programs, ki Financial bad Digital Literacy Workshop bad Seminar, Mental Well-being Programme kynthup ka counseling, seminars bad workshops. Ka scheme ka pynshlur ruh ban pynlong ïa ki Campaign bad Program kiba ïadei bad ka Sports Authority of India Fit India Campaign bad kiwei.
Ïa ki Application Form lah ban ïoh na ka ophis jong ka Deputy Commissioner, Eastern West Khasi Hills District, Mairang naduh ka 1 tarik Naitung 2025 ha ki kynta long trei bad ka tarik ba khatduh ban submit ïa ki application form kan long ha ka 31 tarik u Naitung 2025.