Khot bad wer paidbah ka STEDS sha ka tamasa Lukha Festival ka ban long ha Sonapyrdi

0

Khliehriat, K’Lyngkot 30: Ka Sonapyrdi Tourism and Economic Development Society ka khot bad wer ïa baroh ki paidbah kiba na Jan bad na jngai ban wan ban sakhi ïa ka tamasa, Lukha Festival kaba lai , ka ba yn pynlong ha ka 3 tark bad 4 tarik u rymphang 2023 ha rud ka wah Lukha ha Sonapyrdi East Jaiñtia Hills District bad ka Society ka pdiang sngewbha ïa baroh.
U President jong ka Sonapyrdi Tourism and Economic Development Society, u bah KS Suchiang, u la ong ba ka jingthmu ba pynlong ïa kane ka tamasa ka long ban kyntiew iaka kam jngohkai pyrthei ha ka thaiñ, kumjuh ruh ban pynpaw sha ka pyrthei ïa ka jingitynnad ka mariang kaba kup rong jyrngam bad ong ruh ba ka society ka don ka jingthmu ban pynneh pynsah ïa ka mariang, ïa ki mrad kiba don ha ka mariang kumjuh ruh ban pynpaw sha ka pyrthei ïa ka jingitynnad ka khlaw Narpuh Wildlife sanctuary kaba pynneh pynsah ïa ki jait mrad bapher bapher.
Kat kum ka prokram la ong ba ha ka 3 Tarik kan don ka jingiakop jngi,ka jingiakop king lieng, ka jingiakop shon dur, ka jingïalehkai football harud wah bad Janmiet pat kan don ka jingiakop Miss Lukha 2023 bad ha ka 4 tarik pat kan don ka ïakop dro dur, ka jing ïa ïaid kjat (tracking) ,ka scuba diving bad ka session,halor kine kin don ruh sa kiwei kiwei ki jingpynbyrngia.
U bah Suchiang u la ïathuh ba ïa kane ka tamasa Lukha Festival la sdang nyngkong eh ha u snem 2019, lah ïoh ban pynlong ruh ha u snem 2020 bad na ka daw ka jingdon ka jingpang COVID-19 ha u snem 2021bad 2022 khlem lah ban pynlong ïa kane ka tamasa bad mynta ka STEDS ka la pynkhreh shaid shaid ban pynlong ïa kane ka tamasa kaba phuh.

Leave A Reply

Your email address will not be published.