Shillong, Naiwieng 11: Ka dorbar tlang jong ki ar tylli ki ïing dorkar jong ki ar tylli ki Parliament, ka Lok Sabha bad Rajya Sabha kan sdang ha ka 25 tarik u Naiwieng, 2024 bad kan ïaid haduh ka 20 tarik, u Nohprah, 2024.
Na ka bynta ki Autonomous District Council kiba don ha thaiñ shatei Lammihngi ka Ri India ki ap khmih lynti la ka sorkar pdeng kan wanrah ne em ïa ka jingpynkylla ïa ka Sixth Schedule ne ka khyrnit kaba 6 jong ka riti treikam jong ka ri India ha kane ka sien shong dorbar tlang kaba mynta.
Haba phai sha ka jylla Meghalaya ki ar tylli ki ïing dorbar, ka KHADC bad ka JHADC ki la dei ban pynlong ïa ka elekshon haba sdang mynta u snem hynrei na ki daw kiba ym lah ban pynlong ïa ka elekshon sha kitei ki ar tylli ki ïing dordar thaw aiñ jong ki ar tylli ki District Council.
Ha kaba iadei bad kane na ka liang u Bah Pynïaid Sing Syiem Chief Executive Member jong ka KHADC ba dei u shongknor jong ki nongïalam ki ADC kane ka thaiñ u la ïathuh ba ha ka taïew ban wan ki dang ïa kynduhlang ha Guwahati bad hadien kata kin sa leit ïa kynduh.
