Shillong, K’Lyngkot, 11: U Inspector General ba la shong thait jong ka tnat shipai BSF u I.M. Mall u la khladnoh na kane ka sla pyrthei.
Ïa ka met ba dang sah jong u Inspector General ka Border Security Force (BSF), la tep donburom ha u lum jingtep jong ka All Saints Cathedral uba don ha Laban, Shillong.
U Mall, u la khladnoh na kane ka la sla pyrthei ha ka 10 tarik mynta u bnai bad u la noh synñiang shikatdei eh sha ka ri ha ka jingshakri jong u. U la shakri kum u ophisar jong ka tnat shipai BSF tad haduh ba un da shongthait.
Ha ka jingleh burom khatduh ïa ka met ba dang sah jong u, la sakhi lang da ki heh ophisar jong ka tnat shipai BSF, ki bahaing hasem bad ki paralok kiba wan najan bad najngai.
