New Delhi, Nailar 18: U heh ka Indian Coast Guard u Rakesh Pal u la khlad noh na ka jingpang ba sangeh kynsan u klongsnam ha Chennai mynta ka sngi. U Myntri Ïada Ri u Rajnath Singh ha ka khubor bad kyrwoh sngewlem u la ong ba u Director General Pal u la long u heh ophisar uba la lah bad uba aiti ïa ka kam na ka bynta ka ri.
“Ka long kaba sngewsih halor kane ka jingkhlad ba kyndit jong u Rakesh Pal, DG, Indian Coast Guard (ICG) ha Chennai mynta ka sngi. Ula long u ophisar uba lah bad uba la aiti ïa ka kam kum u officer ha kaba hapoh ka jingïalam jong u kum u ICG ka la pynkhlaiñ ïa ki kam ïada hapoh ki kam duriaw bad ryngkew. Ka jingsngewlem jong nga ka leit sha ka ïing ka sem halor kane ka jingjia ba sngewsih,” ong u Singh.
U Rakesh Pal u la shimti ïa ka kam kum u 25th Director General ka ICG ha ka 19 tarik u Naitung mynshem snem. U la buh ka prokram ban kynduh ïa u Myntri Ïada Ri hapoh ka prokram ka ICG, hynrei u la hap ban leit phah sumar noh ha Rajiv Gandhi General Hospital hadien ba u la pynpaw ba u don ka jingbym khlaiñ ka met, ong ka khubor na ki heh pulit.
Na ka liang u Rajnath Singh, u la leit mar mar sha hospital ban leit peit ïa u Rakesh Pal.
Hapoh ka kam ba u la bat ha ki palat 34 snem, une u Flag Officer u la thung bun ki kam kiba hakhmat ha duriaw bad ryngkew kiba paw na ki, kidei ki kam Commander of Coast Guard Region (North West), Deputy Director General (Policy and Plans), bad Additional Director General ha Coast Guard Headquarters ha Delhi.
U la trei bun ki kam kum Director (Infra and Works) bad Principal Director (Administration) ha Coast Guard headquarters.
