Shillong, Jymmang : U Superintendent of Police ka EKHD, Shillong u pyntip ba ha ka 11 tarik mynta u bnai ha ka por kumba 10:05 mynstep, ki pulit ki la lapdien ïa uwei u rangbah bym lah ban ithuh uba thiah lyngktar hajan Goenka compound hajan Neha Transport parking area, Iewduh, Shillong.Hadien la pynkynriah noh ïa ka met sha Civil Hospital, Shillong da ka kali 108 Ambulance na ka bynta ban aijingsumar. Hynrei, ha kane ka juh ka sngi ha ka por 3:34 mynsngi une u briew bym lah ban ithuh uba la shah sumar hapoh ICU, ha Civil Hospital u la khlad noh.
Kumjuh hadien ba la pyndep ïa ka jingleh post mortem la pynkynriah noh ïa ka met sha ka jaka buh metïap jong kane ka hospital na ka bynta ka jingpynithuh bad wan shimti.Une u briew uba don ka rynieng kumba 5.4 phut u dei uba la don kumba 38 snem rta, uba kham raikhoh bad u phong da ka sopti rong ping bad ka patluh lieh.Kumta la kyntu ïa kiba haiing hasem bad kiwei pat kiba don jingïadei bad une u briew ba kin sngewbha ban phone mardor sha kine ki nombor na ka bynta ka jingwan shimti ïa kane ka metïap.O/C Sadar PS : 0364-2224818 / 2224400 / I/C Police Contrll Room, Shillong 0364 -2222214 / 2222215.
