Khlad ha shen u khynnah ba shah pom pyrthat ha lynti sha Mawten

0

Mawkyrwat, ‘Nailur, 29: Kawei ka jingjia ba sngewsih ka la jia mynta ka sngi ha kaba uwei u khynnah uba ha ki karta 16 snem ei ei u la duh ei ïa la ka jingim na ka jingshah pom ha u pyrthat katba u dang rieh slap ha u tynrai dieng kseh ha kawei jaka ba ki khot ka Rampharbah (Mawten), South West Khasi Hills District.
Ha ka tyllong khubor na ki pulit, la ïathuh ba kane ka jingjia katkum ka jingpyntip la ong ba ka la jia ha ka 29.9.2023 ha ka por 2:15 janmiet. “U khynnah uba la ïap na ka daw jong ka jingshah pom ha u pyrthat la tip kyrteng kum u Aiborlang Marwein, 16 snem karta na ka shnong Wahsiej, South West Khasi Hills District”, ong ka tyllong khubor.
La ïathuh hadien ba la pyndep lut ïa ki jingeksamin baroh na ka liang ki bor jong ka aiñ ki la aiti noh ïa ka met jong u ha kiba ha ïing ba kin leh ïa kaba donkam.

Leave A Reply

Your email address will not be published.