Nongstoiñ, K’lyngkot, 23: Ki Pulit ka Nongstoiñ Police Station, ha ka sngi ba ar ki la ïoh ba kem ïa uwei u briew u ba suba donkti ha ki kam pynïap briew bad ïoh ruh ban kurup ïa kawei ka tiar siat na ka met jong u.
Une u briew u kyrteng u Rophius Puweiñ ba 31 snem ka rta, u ba dei na ka shnong Pyndengshallang, West Khasi Hills. La suba jur ba u dei u ba donkti ha ka kam pynïap briew kaba hap hapoh ka Nongstoiñ PS Case dang shen.
Ki Pulit ki la ïoh kurup ïa kawei ka tiar siat kaba suba pyndonkam ha kane ka jingpynïap briew. Ki Pulit ki la rah tian bishar ïa une u briew sha Ïingkashari ban bishar bad tohkit bniah.
