Nongpoh, Naiwieng 10: Ki pulit ka Ri Bhoi hynnin ka miet kila kem ha ïa u Samla Baiateilang Lapang President ka Ri Bhoi Youth Organisation ban pynlong ka jingtohkit ha kaba ïadei bad ka case theh umphniang bad dawa pisa jong ka seng RBYO na kawei ka petrol pump ka ba don ha ka thaiñ Byrnihat.
Naka liang u SP ka Ri Bhoi u Giri Prasad u la pyntip ba ïa u Samla Baiateilang Lapang la rah sha thanad haka janmiet jong ka sngi Palei na Diengpasoh katkum ka notice 41A ha ka ba ïadei bad ka case No 124(11)2023 U/S 384/506/34 IPC kaba ha Nongpoh Police Station.
Ki Pulit ka Ri Bhoi mynta ka janmiet kila ïalam ruh ban leh ïaka Medical Examination ha Civil Hospital Nongpoh bad ka jingtohkit ka dang ïaid shakhmat.
U Bah Baïateilang u long ruh ha kajuh ka por u Chairman jong ka Joint Action Committee (JAC) jong ki Seng bapher bapher na Ri Bhoi ban pyrshah ïa ka jingpynlong ka sorkar ïa ka Cherry Blosson Festival ha ka sngi U Blei, kata ha ka 19 tarik mynta u bnai.
Ka jingshah kem jong u ka long ruh khyndiat kynta ha shuwa ba ka JAC kan pynlong ïa ka jingïalang paidbah ha Bhoirymbong ban pynshai paidbah ïa ka jingpyrshah balei ba ka JAC ka pyrshah ïa ka jingpynkut ïa ka Tamasa Cherry BLossom ha ka sngi U Blei.
