Shillong, Nailur 01: Ki shipai BSF ryngkat ka jingïatreilang ki pulit ka jylla Meghalaya ki la ïoh ban kem ïa uwei ksiang jong ki nongkhaïi beaiñ ha khappud bad ka Bangladesh ha thaiñ Dangar ha East Khasi Hills District.
Katkum ka khubor ba la phah da ki BSF la ïathuh ba ha ka miet 31/Nailar/2024 ki shipai BSF bad pulit jong ka jylla Meghalaya ha ka jingkhynra kila ïoh ban kem ïa uwei u khar Bangladesh ba dei u nongkhaïi beaiñ bad ha ka juh ka por ba trei kum ksiang ki nongkhaïi beaiñ ha khappud bad ka Bangladesh.
Utei u nongkhaïi ba la shah kem la tip kyrteng kum u Mohd Mijan Mia 49 snem ba shong ha Sunamganj District jong ka Ri Bangladesh bad la phla ruh sha ki BSF ba u trei ka kam khaïi beaiñ bad kum u ksiang ki nongkhaïi beaiñ na India bad Bangladesh.
Kane ka jingleit ban khang kdong ki shipai BSF bad ki pulit ïa kawei ka jaka ba long khlaw ha khappud Bangladesh ka dei hadien ba ki la ïoh ïa ka jingtip ba don briew ba rieh bad ba trei ïa ki kam khaïi beaiñ bad u long ksiang nongïakren ïa ki nongkhaïi beaiñ ba na Bangladesh.
Ki BSF hadien ba ki la tohkit katkum ka bynta kaba ki dei la aiti noh sha ki pulit jong ka Dangar ba leh ïa kaba don kam katkum ki kyndon jong ka aiñ ïa utei u briew ba la shah kem ha ki BSF.
