Shillong, Nailur 30: Ki shipai ka Meghalaya Frontier ki la kem noh ïa 5 ngut ki nong India bad kurup ïa kawei ka trok bad ka bos kiba kit ïa ki marbam na khappud ka East Khasi Hills District.
Kane ka la jia ha ka 29 tarik mynta u bnai, ha kaba ki shipai ka 193 Bn ki la ïoh bat ïa kawei ka trok bad kawei ka Bos ha ka lad jong ka surok Ranikor-Dangar, kaba wan na Shillong ban leit sha ki jaka khappud. Kine ki kali ki dei kiba kit ïa ki marbam kiba shongdor haduh T.43 lak.
La ong ba ha ka jingtohit, ki nongñiah kim shym la lah ban sei ïa ki kot ki sla ba ïadei bad kine ki kali bad ki marbam.
Ïa kine ki san ngut ki briew bad ïa ki kali ba la kurup, bad la aiti noh sha ki Pulit ka Dangar Police Outpost.
